१५ चैत, काठमाडौं ।
फर्निचर व्यवसायी संघ नेपालको आयोजनामा काठमाडौं बानेश्वरमा हिजो चैत १४ गते पहिलो वार्षिक साधारण सभा सभ्य र भव्य रूपमा सफलतापूर्वक सम्पन्न भएको छ।
कार्यक्रममा प्रमुख अतिथि राम शोभित नायक रहनु भएको थियो भने संस्थाका अध्यक्ष उमेश प्रसाद यादव, उपाध्यक्ष बिनोद शाह कानु, महासचिव रन्जित झा, कोषाध्यक्ष सुरेश राउत कुर्मी तथा सदस्यहरू विजय कुमार ठाकुर, प्रदेशी चौधरी थारु, ममता कुमारी देवी, ललिता कुमारी देवी र सुनिता देवीको उल्लेखनीय उपस्थिति रहेको थियो। प्रमुख अतिथि राम शोभित नायकले कार्यक्रम उद्घाटन गर्दै फर्निचर व्यवसायलाई संगठित, व्यवस्थित र आधुनिक प्रविधिसँग जोड्नुपर्ने आवश्यकता औंल्याउनुभयो। उहाँले व्यवसायीहरूको एकता र सहकार्यले मात्र यस क्षेत्रलाई राष्ट्रिय तथा अन्तर्राष्ट्रिय स्तरमा अगाडि बढाउन सकिने धारणा व्यक्त गर्नुभयो।
संस्थाका अध्यक्ष उमेश प्रसाद यादवले आफ्नो मन्तव्य राख्दै संघ स्थापना हुनु नै व्यवसायीहरूको हकहित, संरक्षण र प्रवर्द्धनका लागि ऐतिहासिक कदम भएको बताउनुभयो। उहाँले आगामी दिनमा तालिम, बजार विस्तार र नीतिगत सहकार्यलाई प्राथमिकतामा राख्ने प्रतिबद्धता व्यक्त गर्नुभयो। उपाध्यक्ष बिनोद शाह कानुले बोल्दै व्यवसायमा देखिएका चुनौतीहरूलाई सामूहिक प्रयासबाट समाधान गर्नुपर्नेमा जोड दिनुभयो। उहाँले सदस्यहरूबीच सहकार्य र समन्वय अझ मजबुत बनाउनुपर्ने धारणा राख्नुभयो।
महासचिव रन्जित झाले वार्षिक प्रतिवेदन प्रस्तुत गर्दै विगत वर्षभरि भएका गतिविधि, उपलब्धि र आगामी योजनाहरूको विस्तृत जानकारी दिनुभयो। उहाँले संघले छोटो समयमा नै उल्लेखनीय प्रगति हासिल गरेको उल्लेख गर्नुभयो। कोषाध्यक्ष सुरेश राउत कुर्मीले आर्थिक प्रतिवेदन प्रस्तुत गर्दै संस्थाको आय–व्यय पारदर्शी र व्यवस्थित रहेको जानकारी दिनुभयो। साथै आगामी दिनमा आर्थिक अनुशासनलाई अझ सुदृढ बनाइने प्रतिबद्धता व्यक्त गर्नुभयो।
कार्यक्रमलाई थप मनोरञ्जनात्मक बनाउन लक्की ड्र तथा गिफ्ट ह्याम्परको पनि व्यवस्था गरिएको थियो, जसले सहभागीहरूलाई अझ उत्साहित बनाएको थियो। उपस्थित विशिष्ट व्यक्तित्वहरूलाई खादा तथा सम्मानपत्र प्रदान गरी सम्मान गरिएको थियो। अतिथिहरूलाई टीका तथा खादा लगाई कन्चन झा र लक्ष्मी क्षेत्रीले स्वागत गर्नुभएको थियो।
कार्यक्रमलाई मनिषा बुर्जा मगरले आकर्षक तथा व्यवस्थित रूपमा सञ्चालन गर्नुभएको थियो भने कार्यक्रमको रिपोर्टिङ तथा क्यामेरामेनको जिम्मेवारी कृष्ण राज तिवारी र जयराम थापाले सम्हाल्नु भएको थियो।
समग्रमा कार्यक्रम उत्साहजनक सहभागितासहित सफलतापूर्वक सम्पन्न भएको थियो, जसले फर्निचर व्यवसायीहरूबीच एकता, सहकार्य र सकारात्मक ऊर्जा थप मजबुत बनाएको देखिन्छ।
