भारत विश्वकपको सुपर आठमा

खेल

गृहपृष्ठ
खेल

भारत विश्वकपको सुपर आठमा

नेपालकभर बिहीबार, जेठ ३१, २०८१

काठमाडौं । आईसीसी टि ट्वेन्टी विश्वकप क्रिकेट प्रतियोगितामा अमेरिकालाई पाखा लगाउँदै भारत विजयी भएको छ । अमेरिकाको न्यूयोर्कमा भएको खेलमा अमेरिकालाई सात विकेटले हराउँदै भारत विश्वकपको सुपर आठमा पुगेको हो ।

लगातार तेस्रो जित हात पारेको भारत छ अङ्क जोड्दै समूह ‘ए’ बाट सुपर ८ मा प्रवेश गर्ने पहिलो टोली बन्यो । सोही समूहमा रहेको अमेरिका तीन खेलबाट चार अङ्कसहित दोस्रो स्थानमा छ । पाकिस्तान र क्यानाडाको समान दुई अङ्क छ । आयरल्यान्डले अङ्क खाता खोल्न सकेको छैन ।

खेलमा अमेरिकाले निर्धारित २० ओभरमा आठ विकेट गुमाउँदै एक सय ११ रनको लक्ष्य प्रस्तुत गरेको थियो । जवाफमा भारतले १८ दशमलव ३ ओभरमा तीन विकेट गुमाउँदै लक्ष्य पूरा गरेको अन्तरराष्ट्रिय सञ्चारमाध्यमहरूले जनाएका छन् ।

भारतका लागि सूर्यकुमार यादवले ४९ बलमा दुई चौका र दुई छक्कासहित सर्वाधिक ५० रनको योगदान गर्नुभयो । त्यस्तै ऋषभ दुबेले ३१ रन बनाए भने ऋषभ पन्तले १८ रन जोड्नु्भयो ।

अमेरिकाका सौरभ नेत्रवालकरले दुई विकेट लिंदा अली खानको नामा एक विकेट रहयो । त्यसअघि टस हारेर पहिला ब्याटिङ गरेको अमेरिकाका ओपनर सायन जहान्गिरलाई अर्शदीप सिंहले पहिलो बलमै आउट गर्दै दबाब दिनुभयो । त्यसपछि नितिश कुमारले २३ बलमा सर्वाधिक २७ रनको योगदान गर्दा अर्का ओपनर स्टेभन टेलरले ३० बलमा २४ रन बनाउनुभयो ।

भारतका अर्शदीप एक्लैले चार विकेट लिंदा हार्दिक पाण्डेयाले दुई तथा एक्सर पटेलको नामा एक विकेट रहयो ।

प्रकाशित मिति: बिहीबार, जेठ ३१, २०८१ ०९:२१