दुबईमा रहेकी प्रेमिकासँगको विवादले भिडियो कल गरेर गोलेले आफैँलाई गोली हानेको रहस्य खुल्यो

समाचार

गृहपृष्ठ
समाचार

दुबईमा रहेकी प्रेमिकासँगको विवादले भिडियो कल गरेर गोलेले आफैँलाई गोली हानेको रहस्य खुल्यो

नेपालकभर बुधबार, असार ५, २०८१

काठमाडौं । नयाँ बानेश्वरस्थित संसद् भवनको सुरक्षामा खटिएका अजित गोलेले प्रेमिकासँगको विवादका कारण गोली हानेर आत्महत्या गरेको खुल्न आएको छ । प्रहरीको प्रारम्भिक अनुसन्धानका क्रममा दुबईमा रहेकी प्रेमिकासँग विवाद हुँदा भिडियो कल गरेर गालेले आफैँले बोकेको राइफलले अनुहारमा गोली हानेर आत्महत्या गरेको खुलेको प्रहरीले जनाएको छ ।

‘हाम्रो प्रारम्भिक अनुसन्धानका क्रममा प्रेमिकासँगको विवादका कारण आफैँले गोली हानेर आत्महत्या गरेको देखिएको छ । दुबईमा रहेकी प्रेमिकालाई म्यासेज तथा भिडियो कल समेत गरेको देखिन्छ,’ अनुसन्धानमा खटिएका एक प्रहरी अधिकारीले भनेका छन् ।

प्रहरीका अनुसार प्रेमिकालाई गोलेले आफ्नै खर्चमा दुबई पठाएको समेत खुलेको छ । प्रहरीको कार्यदलबाट बानेश्वर संसद् भवनमा खटिएका गोलेले बुधबार बिहान ड्युटीमै खटिएका बेला शौचालयमा पुगेर राइफलले आफैँलाई गोली हानेर आत्महत्या गरेको बताइएको छ ।

उहाँले ८ बजेर २ मिनेट जाँदा गोली हानेको अनुमान गरिएको प्रहरीका प्रवक्ता डीआईजी दानबहादुर कार्कीले बताउनुभयो । गोलेको ड्युटी बिहान ६ बजेदेखि १० बजेसम्म कायम गरिएको थियो ।

प्रकाशित मिति: बुधबार, असार ५, २०८१ १४:५६