निर्वाचन आयुक्त सिफारिस प्रधानको संसदीय सुनुवाइ स्थगित

प्रशासन

गृहपृष्ठ
प्रशासन

गलत आचरण निर्वाचन आयुक्त सिफारिस प्रधानको संसदीय सुनुवाइ स्थगित

नेपालकभर बिहीबार, असार २०, २०८१

काठमाडौं । निर्वाचन आयुक्तमा सिफारिस कृष्णमान प्रधानको भोलीका लागि तोकिएको संसदीय सुनुवाइ स्थगित भएको छ । सुनुवाइ समितिलेआज उजुरीकर्तासँग छलफल गरेपछि उजुरीकर्ताले उल्लेख गरेका विषयमा थप अध्ययन गर्नुपर्ने देखिएकाले सुनुवाइ स्थगित गरेको हो ।

आयुक्त प्रधानविरुद्ध एक महिलाले यौन दुर्व्यवहार गरेको आरोप लगाएकी छन् । उनले प्रधानले आफूलाई यौन दुव्र्यवहार गरेको र प्रधानकै दबाबमा अदालतमा मिलापत्र गरेको भन्दै सुनुवाइ समितिमा उजुरी दिएकी थिइन् । प्रधानविरुद्ध त्यसबाहेक अरु उजुरीहरु पनि परेका थिए ।

सुनुवाइ समितिका सदस्य एमाले सांसद महेश बर्तौलाका अनुसार आज उजुरीकर्तासँगको छलफल गरेपछि उजुरीका विषयमा थप अध्ययन गर्नुपर्ने देखिएकाले प्रधानको सुनुवाइ स्थगित गरिएको हो । सुनुवाइ समितिले उजुरीकर्तासँगको छलफल बन्द कोठामा गरेको थियो ।

प्रकाशित मिति: बिहीबार, असार २०, २०८१ १४:०३