विद्यालयको लापरबाहीले बस दुर्घटना भएको भन्दै सीडीओको ध्यानाकर्षण

समाचार

गृहपृष्ठ
समाचार

विद्यालयको लापरबाहीले बस दुर्घटना भएको भन्दै सीडीओको ध्यानाकर्षण

नेपालकभर सोमबार, साउन १४, २०८१

काठमाडौं । विद्यालयको लापरबाहीको कारण बस दुर्घटना भएको बताउदै अनेरास्ववियु कास्कीले प्रमुख जिल्ला अधिकारी (सीडीओ)को ध्यानाकर्षण गराएको छ । स्कुल बसले सिट क्षमताभन्दा बढी विद्यार्थी बोक्दा दुर्घटनाको जोखिम बढेको भन्दै सत्तारुढ एमाले निकट अनेरास्ववियु कास्कीले सोमबार प्रमुख जिल्ला अधिकारीलाई स्कुल बसको नियमित चेकजाँच गर्न ध्यानाकर्षण गराएको हो ।

अनेरास्ववियु कास्कीका अध्यक्ष सन्तोष पोखरेलसहितको टोलीले ५ बुँदे माग राख्दै कास्की सीडीओ भरतमणी पाण्डेको ध्यानाकर्षण गरायो ।

विद्यार्थी ओसारपोसार गर्ने बसहरूको नियमित रूपमा चेकजाँच गरिनुपर्नेमा त्यसो नभएको र अत्याधिक गतिका साथ गुडाइएकोबारे बारम्बार ध्यानाकर्षण गराउँदा पनि अटेर गरेकाले आफुहरुले सडक आन्दोलन गर्नुपर्ने अवस्था आएको अध्यक्ष पोखरेलले बताउनुभयो ।

यस्तै, सिट क्षमताभन्दा बढी विद्यार्थी राख्ने, अन्य व्यवसायमा सञ्चालित बसलाई खाली समयमा विद्यालयले प्रयोग गर्ने, मापदण्ड विपरीत र दुर्व्यसनीमा फसेका व्यक्तिले विद्यालयको बस चलाउने देखिएको भन्दै अनेरास्ववियु कास्कीले यस्ता गतिविधिलाई कानूनी दायरा ल्याउन माग गरेको छ ।

सम्बन्धित समाचार

स्कुल बस दुर्घटनामा आमा छोराको मृत्यु

माग समाधानका लागि अनेरास्ववियुसहित जिल्ला शिक्षा कार्यालय कास्की, प्याव्सन, एनप्याव्सनसहितको बैठक बोलाउन २४ घण्टे अल्टिमेटम दिइएको छ । माग पूरा नभए आफुहरु सडक आन्दोलनमा उत्रिने अनेरास्ववियु केन्द्रिय सदस्य तथा कास्की ईन्चार्ज अनुप लामिछानेले चेतावनी दिनुभएको छ ।