सिमलतालबाट त्रिशूली किनारमा खसेको ट्रकका चालक सम्पर्कविहीन

समाज

गृहपृष्ठ
समाज

सिमलतालबाट त्रिशूली किनारमा खसेको ट्रकका चालक सम्पर्कविहीन

नेपालकभर आइतबार, भदौ ३०, २०८१

चितवन । नारायणगढ–मुग्लिन सडकखण्डको सिमलतालमा सडकबाट त्रिशूली नदी किनारमा खसेको ट्रकका चालक सम्पर्कविहीन भएका छन् । ट्रक भने पानी बाहिर किनारमा छ ।

जिल्ला प्रहरी कार्यालयका प्रहरी नायव उपरीक्षक भेषराज रिजालका अनुसार चालक यमबहादुर घलेको मोबाइल स्विचअफ छ । घटनास्थल पुगेर फर्किएका रिजालले भन्नुभयो, ‘चालक सम्पर्कमा छैन, घटना शंकास्पद देखिएको छ ।’ दुर्घटनाको अवस्था हेर्दा चालक नदीमा नभएर बाहिर सम्पर्कविहीन भएको हुनसक्ने उहाँको भनाइ छ ।

यातायात कार्यालयमार्फत ट्रक धनीको पहिचान गरेर चालक खोजीकार्य भइरहेको उहाँले बताउनुभयो । ना ६ ख ६२८३ नम्बरको ट्रक भैरहवाबाट सूर्यमुखी तेल बोकेर ललितपुरतर्फ जाँदै थियो ।

ट्रकमा दुई हजार २२५ कार्टुन तेल लोड गरिएको थियो । ट्रक आइतबार बिहान सडकबाट झण्डै एक सय मिटर तल त्रिशूली किनारमा खसेको हो ।

प्रकाशित मिति: आइतबार, भदौ ३०, २०८१ १२:००