जनमत पार्टीले संविधान दिवसमा शान्तिपूर्ण र्‍याली गर्ने

राजनीति

गृहपृष्ठ
राजनीति

जनमत पार्टीले संविधान दिवसमा शान्तिपूर्ण र्‍याली गर्ने

नेपालकभर बुधबार, असोज २, २०८१

काठमाडौं। जनमत पार्टीले शान्तिपूर्ण र्‍याली निकालेर संविधान संशोधनको माग गर्ने भएको छ । सो पार्टीका अध्यक्ष डा।सिके राउतले संविधान दिवसको अवसरमा शान्तिपूर्ण रयाली निकाल्न र कोणसभा लगायतका कार्यक्रम गर्न पार्टीका नेता तथा कार्यकर्तालाई निर्देशन दिएका हुन् ।

उनले नेता कार्यकर्तालाई विभिन्न कार्यक्रम गरेर संविधान संशोधनका लागि सरकारलाई दबाब दिन भनेका छन् । जनमत पार्टीले पूर्ण अधिकार सम्पन्न र स्वायत्त प्रदेश स्थापना, प्रदेशको सिमाङ्कन सच्याउन, निर्वाचन क्षेत्र भाषिक तथा जनसङ्ख्याको अधारमा निर्वाचन क्षेत्र निर्धारण गर्न, प्रत्यक्ष निर्वाचित कार्यकारी प्रधानमन्त्री र मुख्यमन्त्रीको व्यवस्था र सामाजिक लोकतन्त्र कायम गर्नुपर्ने माग गर्दै आएको छ ।

उपेन्द्र यादव नेतृत्वको जनता समाजवादी पार्टी नेपाल र महन्थ ठाकुर नेतृत्वको लोकतान्त्रिक समाजवादी पार्टी नेपालले भने संविधान दिवसको विरोध गर्दै
असोज ३ गते मनाउने संविधान दिवसलाई समर्थन गर्ने वा विरोध गर्ने विषयमा जनमत पार्टीले भने केही बोलेको छैन । पार्टीका उपाध्यक्ष ई।दीपक साहले शान्तिपूर्ण र्‍याली निकालेर संविधान संशोधनको माग गर्ने बताए ।

प्रकाशित मिति: बुधबार, असोज २, २०८१ १५:०६