जनमत पार्टीले ४ केन्द्रीय सदस्यसहित ९ जनालाई सोध्यो लिखित स्पष्टीकरण

राजनीति

गृहपृष्ठ
राजनीति

जनमत पार्टीले ४ केन्द्रीय सदस्यसहित ९ जनालाई सोध्यो लिखित स्पष्टीकरण

नेपालकभर मंगलबार, असोज ८, २०८१

काठमाडौं । डा. सीके राउत नेतृत्वको जनमत पार्टीले ४ केन्द्रीय सदस्यसहित ९ जनासँग स्पष्टीकरण मागेको छ । ५ असोजमा महोत्तरीको जलेश्वरमा भएको पार्टी प्रशिक्षण तथा शुभकामना आदान प्रदान कार्यक्रममा होहल्ला गरी कार्यक्रम बिथोलेको तथा भाँडभैलो गरेको आरोपमा जनमत पार्टीले ९ जनासँग स्पष्टीकरण मागेको हो ।

स्पष्टीकरण मागिएकामा केन्द्रीय सदस्यहरु दीपेन्द्र मधेशी, कोमल यादव, इन्द्रप्रसाद सिंह र सुरेश ठाकुरसमेत छन् ।जलेश्वर नगरपालिका समितिका सचिव सञ्जित यादव र साधारण सदस्यहरु सन्तोषकुमार यादव, सिंहेश्वर मण्डल र रामजीवन साहसँग जनमत पार्टीका उपाध्यक्ष तथा अनुशासन समितिका प्रमुख दीपककुमार साहले स्पष्टीकरण माग गर्नु भएको छ ।

उनीहरुलाई साधारण सदस्यसमेत नरहने गरी किन कारबाही हुनु नपर्ने हो ? भनी ७ दिनभित्र लिखित स्पष्टीकरण दिन भनिएको छ ।