ब्याचलर पासको सर्टिफिकेट पेश गर्न नसकेपछि रातदूतबाट फालिए भट्टराई

राजनीति

गृहपृष्ठ
राजनीति

अयोग्य ब्याचलर पासको सर्टिफिकेट पेश गर्न नसकेपछि रातदूतबाट फालिए भट्टराई

नेपालकभर मंगलबार, असोज ८, २०८१

काठमाडौं । संघीय संसद, संसदीय सुनुवाइ समितिले श्रीलंकाका लागि प्रस्तावित राजदूत रामकृष्ण भट्टराईको नाम अस्वीकृत गरेको छ । मंगलबार बसेको समिति बैठकले प्रस्तावित राजदूत भट्टराईको नियुक्तिका लागि आवश्यक शैक्षिक योग्यतासम्बन्धी कागजात उपलब्ध नभएको र प्रस्तावित व्यक्ति स्वयंले नाम फिर्ता लिन निवेदन दिएकाले भट्राईको नाम सर्वसम्मतिबाट अस्वीकृत गरेको हो ।

राजदूत भट्टराईले व्यस्तताको कारण देखाउँदै आफ्नो नियुक्ति प्रक्रिया अघि नबढाउन समितिमा निवेदन दिनुभएको थियो । तर, उहाँको विषयमा निर्णयमा पुग्नु अघि समितिले उहाँसँग स्नातक तहको शैक्षिक योग्यताको प्रमाणपत्र माग गरेको थियो । उहाँले स्नातक अर्थात् ब्याचलर पासको सर्टिफिकेट पेश गर्न नसकेपछि नाम अस्वीकृत भएको हो ।

प्रस्तावित राजदूतको निवेदनलाई समेतलाई आधार मानेर समितिले नाम अस्वीकृत गरेको समिति सदस्य श्याम घिमिरेले जानकारी दिनुभयो । ‘राजदूत नियुक्तिसम्बन्धी निर्देशिकाअनुसार आवश्यक कागजात उपलब्ध गराउन असमर्थ भएका हुँदा मैले आफ्नो उम्मेदारी फिर्ता लिएको छु भन्ने उहाँको निवेदनलाई आधार बनाएर नै अस्वीकृत गरिएको हो’, उहाँले भन्नुभयो ।

समितिले राजदूतलगायत राजनीतिक नियुक्तिका पदमा सिफारिस गर्दा समावेशी सिद्धान्तलाई आत्मसात् गर्न सरकारलाई निर्देशन दिएको छ । समितिले त्यस्ता व्यक्तिको योग्यता तथा आचरणका सम्बन्धमा सिफरिसअघि नै ख्याल गर्न पनि सरकारलाई ध्यानाकर्षण गराएको छ ।

प्रकाशित मिति: मंगलबार, असोज ८, २०८१ १७:३९