हिजबुल्लाहमाथि थप सशक्त आक्रमण गर्न नेतान्याहूको निर्देशन

विविध

गृहपृष्ठ
विविध

निर्मम हिजबुल्लाहमाथि थप सशक्त आक्रमण गर्न नेतान्याहूको निर्देशन

नेपालकभर शुक्रबार, असोज ११, २०८१

काठमाडौं । इजरायली प्रधानमन्त्री बेन्जामिन नेतान्याहूले हिजबुल्लाहमाथि ‘पूर्ण शक्ति’का साथ आक्रमण गर्न इजरायली सेनालाई निर्देशन दिएको खबर छ ।

अमेरिकालगायत इजरायलनजिकका अरू देशहरूले भने युद्धविरामका निम्ति आग्रह गरेका छन् । लेबनानको स्वास्थ्य मन्त्रालयले इजरायली हवाई आक्रमणमा कम्तीमा बिहीबार मात्रै ९२ जनाको मृत्यु भएको जनाएको छ ।

लेबनानको राजधानी बेरुतको दक्षिणी भागस्थित एउटा भवनमा गरिएको हवाई हमलामा आफ्नो ड्रोन युनिटका प्रमुख मोहम्मद सुरूर मारिएको हिजबुल्लाहले जनाएको छ ।

बुधबार अमेरिका, बेलायत र युरोपेली संघले तीन साताका निम्ति युद्धविरामको प्रस्ताव गरेका थिए । तर, बिहीबार इजरायलले यो प्रस्ताव अस्वीकार गरेको थियो ।

न्युयोर्कमा संयुक्त राष्ट्रसंघको महासभालाई सम्बोधन गर्नुहुँदै इजरायली प्रधानमन्त्री नेतान्याहूले सबै लक्ष्य हासिल नगरेसम्म आफूहरू नरोकिने बताउनु भएको थियो ।

प्रकाशित मिति: शुक्रबार, असोज ११, २०८१ १०:५८