इजरायली आक्रमणमा हिजबुल्लाह प्रमुख हसन मारिए

विविध

गृहपृष्ठ
विविध

इजरायली आक्रमणमा हिजबुल्लाह प्रमुख हसन मारिए

नेपालकभर शनिबार, असोज १२, २०८१

एजेन्सी । इजरायलले गरेको आक्रमणमा हिजबुल्लाहका प्रमुख हसन नसरल्लाह मारिएका छन् । आक्रमणमा हिजबुल्लाहका अन्य वरिष्ठ नेताहरू पनि मारिएको इजरायली सेनालाई उद्धृत गर्दै बीबीसीले जनाएको छ ।

इजरायली सेना आईडीएफले आफ्नो लडाकु विमानले लेबनानको राजधानी बेरुतस्थित दहियाको एक आवासीय भवनमुनि रहेको हिजबुल्लाहको मुख्यालयमा गरेको आक्रमणमा नसरल्लाह मारिएका जनाएको छ । मारिनेमा हिजबुल्लाह कमाण्डर मोहम्मद अलि इस्मेल र उनका सहयोगी हुसेन अहमन इसमेल पनि मारिएका आईडीएफले जनाएको छ ।

हिजबुल्लाहले आफ्ना नेता नसरल्लाह मारिएको पुष्टि गर्दै त्यसको बदला लिने चेतावनी दिएको छ । नसरल्लाह सन् १९८२ मा हिजबुल्लाहमा आबद्ध भएका थिए । १९९२ मा मुसावीको हत्यापछि उनी हेजबुल्लाह प्रमुख बनेका थिए ।

यसअघि आइडीएफले हिजबुल्लाह मुख्यालयमा ‘निकै सटिक’ आक्रमण गरेको जनाएको थियो । नसरल्लाहको मृत्युपछि पनि इजरायलले दक्षिण बेरुतमा आक्रमण जारी राखेको अन्तर्राष्ट्रिय सञ्चारमाध्यमहरूले जनाएका छन् ।

प्रकाशित मिति: शनिबार, असोज १२, २०८१ १९:४४