अखिल क्रान्तिकारीमा उमेरहद राख्ने/नराख्ने विषयमा विवाद, मतदान हुने सम्भावना

राजनीति

गृहपृष्ठ
राजनीति

अखिल क्रान्तिकारीमा उमेरहद राख्ने/नराख्ने विषयमा विवाद, मतदान हुने सम्भावना

नेपालकभर सोमबार, असोज १४, २०८१

काठमाडौं । नेकपा माओवादी केन्द्रको विद्यार्थी संगठन अनेरास्ववियु (क्रान्तिकारी)मा उमेरहदबारे मतदान हुने भएको छ । उमेरहद राख्ने वा नराख्ने भन्नेमा राष्ट्रिय सम्मेलनका प्रतिनिधिबीच मतभेद देखिएपछि निर्वाचन हुन लागेको हो ।

उमेरहदबारे एकमत नहुँदा सोमबार बिहान अध्यक्ष प्रचण्डको उपस्थितिमा उहाँको निवास खुमलटारमा अनेरास्ववियु (क्रान्तिकारी)को कार्यालय बैठक बसेको थियो ।

प्रतिनिधिलाई आफ्नो मत राख्ने अधिकार दिन निर्वाचन गरिने उपाध्यक्ष इन्द्र भुसालले जानकारी दिनुभयो । ‘हललाई स्वतन्त्र छोड्दै मत लिने निर्णय भएको छ । उमेरहद राख्ने कि नराख्नेमा निर्वाचन हुने भयो । उमेरहद राख्ने भन्ने भयो भने त्यसको अप्सनमा २८, ३०, ३२ वर्ष राखिनेछ,’ उहाँले भन्नुभयो ।

यसमा निर्वाचनको तयारी गरिएको समेत उहाँले बताउनुभयो । उमेरहद लागु भएमा नेतृत्वका धेरै आंकाक्षी अवसर विमुख हुने सम्भावना छ ।

प्रकाशित मिति: सोमबार, असोज १४, २०८१ १३:२७