सामाजिक सञ्जालबाटै प्रश्ना बचाउका लागि १० औं लाख सहायता संकलन

समाज

गृहपृष्ठ
समाज

सामाजिक सञ्जालबाटै प्रश्ना बचाउका लागि १० औं लाख सहायता संकलन

नेपालकभर आइतबार, पुस २१, २०८१

काठमाडौं । प्रश्ना बिष्ट बचाऊ अभियानले छोटो समय मै करिब १० लाख नगद संकलन गरेको छ । राजकुमार कार्कीको अगुवाईमा मंसिर २१ गतेबाट सामाजिक सञ्जालमार्फत चलेको अभियान अन्तर्गत करिब १० लाख आर्थिक सहायता संकलन भएको हो ।

आफु रत्नराज्य क्याम्पसमा बीए पढ्दा विरामीले थलिएको अवस्थालाई स्मरण गर्दै आर्थिक अभावले कसैको पनि उपचार नरोकियोस् भन्ने हेतुले साथीभाइको सल्लाहमा आफुले अभियान चलाएको कार्कीले नेपालकभरलाई बताउनुभयो ।

कार्कीले अभियानमा सघाउने नवराज रोक्का, विशाल रोक्का, भवानी शंकर लुइँटेल, ईश्वर बन्जारा र सौजन राईलाई सहयोगका लागि धन्यवाद भनेका छन् । खोटाङ दिप्रुङचुइचुम्मा गाउँपालिका १ की ८ वर्षीया प्रश्ना विष्ट ब्लड क्यान्सरबाट ग्रसित भई हाल कान्तिबाल अस्पतालमा उपचाररत छिन् ।

विष्टको उपचारार्थ आफुहरुले संकलन गरेको रकम सोझै विष्टको बुबा र आमाको नाममा रहेको बैंक खातामा जम्मा गरिदिएको अभियन्ता कार्कीले बताउनु भएको छ । कार्कीदे दाताहरुको नामावलीसहित संकलित रकम सामाजिक सञ्जालमार्फत समेत सार्वजनिक गर्नुभएको छ ।

कार्कीले यसअघि रुखबाट लडेर घाइते भएका मणिएन्जल राईलाई ह्वीलचियर प्रदान गरेको, राजन नेपालीको मुत्रनलीको शल्यक्रिया गर्दा सहयोग गरेको, रिनेश तामाङको शव निकाल्न सहयोग गरेको तथा स्तनक्यान्सर पीडित सम्झना विश्वकर्मालाई आर्थिक सहयोग गर्नु भएको थियो । कार्कीको आफ्नै छातीको शल्यक्रिया गरिएको छ ।

प्रकाशित मिति: आइतबार, पुस २१, २०८१ १२:४२