जनता माविको स्थापना दिवसमा पूर्व राष्ट्रपति भण्डारीले भवन उद्घाटन गर्ने

समाज

गृहपृष्ठ
समाज

जनता माविको स्थापना दिवसमा पूर्व राष्ट्रपति भण्डारीले भवन उद्घाटन गर्ने

नेपालकभर मंगलबार, माघ ८, २०८१

काठ्माडौं। इटहरीस्थित जनता माध्यमिक विद्यालयको स्थापना दिवसमा पुर्व राष्ट्रपति विद्यादेवी भण्डारी आउने भएकी छिन् ।आउँदो माघ १५ गते मंगलबार हुने विद्यालयको ६८ औं स्थापना दिवस तथा अभिभावक भेलामा भण्डारी आउन लागेकी हुन् । उनले नव निर्मित १२ कोठे भवनको उद्घाटनसमेत गर्नेछिन् ।

राष्ट्रपति भण्डारीले भवन उद्घाटन गर्नुका साथै अविभावकहरुलाई सम्बोधन गर्ने विद्यालय व्यवस्थापन समितिका अध्यक्ष काशीनाथ दंगालले जानकारी दिए । इटहरीको पुरानो विद्यालयमध्ये एक रहेको जनता माविले पछिल्लो समय भौतिक पुर्वाधार थप गर्दै विद्यालयको अवस्थालाई निरन्तर सुधार गर्दै लगेको छ ।

सोही क्रमममा थपिएको १२ कोठाको भवन उद्घाटन गर्न लागिएको दंगालले बताए । उनका अनुसार विद्यालयसँग अझैपनि भवनको अभाव छ । भवन र कक्षाकोठा नभएकै कारण वर्षेनी ८ सय बढी विद्यार्थी भर्ना नपाएर निराश भएर फर्कने गरेको उनी बताउँछन् ।

विद्यालयका प्रिन्सिपल पशुपति सिग्देलका अनुसार विद्यालयले विद्यार्थी भर्ना गर्दा इन्ट्रान्स परिक्षा लिने गरेको छ । अघिल्लो पटक चार सय विद्यार्थीका लागि लिइएको इन्ट्रान्समा एक हजार दुई सय बढी विद्यार्थीले फर्म भरेका थिए ।

पुर्वाधारमा सुधार गर्न सके धेरैभन्दा धेरै विद्यार्थीलाई पढाउन सकिने उनी बताउँछन् । कक्षा १२ सम्म गरेर अहिले विद्यालयमा तीन हजार बढी विद्यार्थी अध्ययनरत छन् ।

प्रकाशित मिति: मंगलबार, माघ ८, २०८१ १०:३६