युक्रेन युद्धबारे पुटिनसँगको वार्ता ‘सार्थक’ : ट्रम्प

विविध

गृहपृष्ठ
विविध

युक्रेन युद्धबारे पुटिनसँगको वार्ता ‘सार्थक’ : ट्रम्प

नेपालकभर शनिबार, चैत २, २०८१

काठमाडौं । अमेरिकी राष्ट्रपति डोनाल्ड ट्रम्पले युक्रेन युद्धबारे रुसी राष्ट्रपति भ्लादिमिर पुटिनसँगको वार्ता सार्थक भएको बताउनु भएको छ । राष्ट्रपति ट्रम्पले ट्रुथ सोसियल पोष्टमार्फत युक्रेनमा अमेरिकाले प्रस्ताव गरेको युद्धविराम प्रस्तावमा रुसी समकक्षी पुटिन सकारात्मक रहेको बताउँदै वार्ता ‘सफल एवं सार्थक’ भएको जनाउनु भएको हो ।

पुटिन र अमेरिकी दूत स्टीभ विटकोफबीच बिहीबार साँझ मस्कोमा भएको भेटपछि यो प्रगति भएको ट्रम्पले उल्लेख गर्नु भएको छ । त्यस दौरान अमेरिकी दूत स्टीभले सूचना आदान-प्रदानसँगै शान्ति प्रक्रियामा अमेरिकाको संवेदनशील आशावादबारे थाहा दिएको क्रेमलिनले समेत पुष्टि गरेको छ ।

सोसियल पोष्टमा ट्रम्पले भन्नृु भएको छ, ‘एक निकै राम्रो मौका मिलेको छ, भयानक खूनी युद्ध अन्ततः अन्त्य हुनसक्छ ।’ तर, हालै युक्रेनी राष्ट्रपति भोलोदिमिर जेलेन्स्कीले पुटिनको हालसम्मका गतिविधि र प्रतिक्रियाले रुस अझै युद्ध जारी राख्न खोजिरहेको भन्दै शंका जाहेर गर्नु भएको छ । रुसमाथि उनले युद्धविराम वार्ता भाँड्न खोजेको तथा युद्धविराम नचाहेको आरोप समेत लगाउनु भएको छ ।

प्रकाशित मिति: शनिबार, चैत २, २०८१ ०६:२६