वरिष्ठ पत्रकार भैरव रिसालको ९७ वर्षको उमेरमा निधन

समाज

गृहपृष्ठ
समाज

रहेनन् भैरव वरिष्ठ पत्रकार भैरव रिसालको ९७ वर्षको उमेरमा निधन

नेपालकभर सोमबार, चैत २५, २०८१

काठमाडौं । वरिष्ठ पत्रकार भैरव रिसालको निधन भएको छ । ९७ वर्षीय पत्रकार रिसाल अस्वस्थ हुनुभएपछि आइतबार फ्रन्टलाईन अस्पताल बानेश्वर भर्ना गरिएको थियो । उहाँका भाइ पुरु रिसालका अनुसार उहाँको आइतबार साँझ पौने ८ बजेतिर निधन भएको हो ।

पछिल्लो समय फोक्सो र मुटु समस्याबाट ग्रसित वरिष्ठ पत्रकार रिसाल सूर्यविनायक नगरपालिका -४, दधिकोटमा बस्दै आउनुभएको थियो । उहाँका श्रीमती, दुई छोरा र दुई छोरी हुनुहुन्छ ।

पत्रकार रिसालको पार्थिव शरीर पाटन अस्पताललाई दान दिने घोषणा गर्नुभएकाले उहाँको दाहसंस्कार नगरिने भएको छ । विक्रम संवत १९८५ साउन २८ गते जन्मनुभएका पत्रकार रिसाल २०१३ सालदेखि पत्रकारिता क्षेत्रमा आवद्ध हुनुहुन्थ्यो । पत्रकार रिसाल नेपाली भूमि लिपुलेक र लिम्पियाधुरामा जनगणना काममा सहभागी हुनुभएको थियो ।

प्रकाशित मिति: सोमबार, चैत २५, २०८१ ११:०४