गौतमबुद्ध विमानस्थलको अनियमितता छानविन गर्न मञ्जु खाँणको संयोजकत्वमा अध्ययन उपसमिति

राजनीति

गृहपृष्ठ
राजनीति

गौतमबुद्ध विमानस्थलको अनियमितता छानविन गर्न मञ्जु खाँणको संयोजकत्वमा अध्ययन उपसमिति

नेपालकभर आइतबार, जेठ ५, २०८२

काठमाडौं । रुपन्देहीको भैरहवास्थित गौतमबुद्ध अन्तर्राष्ट्रिय विमानस्थल निर्माणमा भएको अनियमितताको विषयमा छानबिनका लागि समिति गठन भएको छ । नेपाली कांग्रेसकी सांसद मञ्जु खाँणको संयोजकत्वमा अध्ययन उपसमिति गठन भएको हो ।

यसअघि उपसमितिको संयोजकमा एमाले सांसद योगेशकुमार भट्टराई संयोजक हुनुहुन्थ्यो । तर, भट्टराई पर्यटन तथा नागरिक उड्डयन मन्त्री समेत रहेकाले स्वार्थ बाझिने भन्दै सांसद प्रेम आलेले भट्टराई त्यसबाट अलग हुनै पर्ने अडान लिएपछि अध्ययन उपसमिति गठन भएको हो ।

आइतबार बसेको लेखा समिति अन्तर्गतको उपसमितिले उपसमितिका सदस्यहरुमध्येबाट आइतबार कांग्रेस सांसद खाँणलाई संयोजक तोकेको हो। त्यस्तै आजको बैठकले विमानस्थल अध्ययन भ्रमण गर्ने समेत कार्यक्रम तय गरेको छ ।

यसअघि लेखा समिति अन्तर्गत राप्रपा सांसद राजेन्द्र लिङ्देन नेतृत्वको अर्को उपसमितिले पोखरा अन्तर्राष्ट्रिय विमानस्थल निर्माणमा भएको अनियमितताका विषयमा प्रतिवेदन बुझाएको थियो । नेतृत्व लिङदेनले गरे पनि अध्ययन अनुसन्धानको अगुवाई सांसद प्रेम आलेले गर्नु भएको थियो ।

प्रकाशित मिति: आइतबार, जेठ ५, २०८२ १५:२९