बागमती, गण्डकी, लुम्बिनी र सुदूरपश्चिमका केही स्थानमा भारी वर्षाको सम्भावना

वातावरण

गृहपृष्ठ
वातावरण

बागमती, गण्डकी, लुम्बिनी र सुदूरपश्चिम बागमती, गण्डकी, लुम्बिनी र सुदूरपश्चिमका केही स्थानमा भारी वर्षाको सम्भावना भारी वर्षाको सम्भावना

नेपालकभर सोमबार, साउन ६, २०८२

काठमाडौं, साउन ५ – देशभर हाल सक्रिय मनसुनी वायुले प्रभाव पारिरहेको छ। मनसुनको न्यून चापीय रेखा औसत स्थानभन्दा अलिकति उत्तरतिर रहेकोले देशभर आंशिकदेखि सामान्य बदली रहने मौसम पूर्वानुमान जल तथा मौसम विज्ञान विभागले गरेको छ।

विभागका अनुसार लुम्बिनी, कर्णाली र सुदूरपश्चिम प्रदेशका पहाडी भू-भागका केही स्थानहरूमा तथा बाँकी भू-भागका थोरै स्थानहरूमा मेघगर्जन र चट्याङसहित हल्कादेखि मध्यम वर्षा हुने सम्भावना छ। बागमती, गण्डकी, लुम्बिनी र सुदूरपश्चिम प्रदेशका एक–दुई स्थानमा भारी वर्षाको सम्भावना पनि रहेको छ। साथै, उच्च पहाडी तथा हिमाली क्षेत्रमा हल्कादेखि मध्यम वर्षा वा हिमपात हुन सक्ने सम्भावना पनि विभागले जनाएको छ।

आज राति पनि देशभर आंशिकदेखि सामान्य बदली रहनेछ। कोशी, मधेश, बागमती, गण्डकी र लुम्बिनी प्रदेशका पहाडी भू-भागका केही स्थानहरूमा तथा अन्य प्रदेशका थोरै स्थानहरूमा चट्याङ र मेघगर्जनसहित हल्कादेखि मध्यम वर्षा हुन सक्नेछ। गण्डकी प्रदेशका एक–दुई स्थानमा भारी वर्षा पनि हुन सक्ने विभागको पूर्वानुमान छ।

प्रकाशित मिति: सोमबार, साउन ६, २०८२ ०७:२३