देशभर मनसुनी वायुको प्रभाव, केही स्थानमा भारी वर्षाको सम्भावना

वातावरण

गृहपृष्ठ
वातावरण

देशभर मनसुनी वायु देशभर मनसुनी वायुको प्रभाव, केही स्थानमा भारी वर्षाको सम्भावना भारी वर्षा

नेपालकभर बुधबार, साउन ८, २०८२

काठमाडौँ, ७ साउन – देशभर हाल सक्रिय रहेको मनसुनी वायुको प्रभावका कारण विभिन्न प्रदेशहरूमा बदलीसहित वर्षा जारी रहेको जल तथा मौसम पूर्वानुमान महाशाखाले जानकारी दिएको छ।

कोशी, मधेस, बागमती, गण्डकी र लुम्बिनी प्रदेशमा आंशिकदेखि सामान्य बदली रहँदै केही स्थानहरूमा हल्कादेखि मध्यम वर्षा भइरहेको छ।

कोशी, बागमती र गण्डकी प्रदेशका साथै अन्य पहाडी भू(भागका केही स्थानहरूमा र बाँकी भू(भागका थोरै स्थानहरूमा मेघगर्जन र चट्याङ सहित हल्कादेखि मध्यम वर्षाको सम्भावना रहेको छ। बागमती र गण्डकी प्रदेशका एक(दुई स्थानमा भने भारी वर्षा हुने सम्भावना रहेको विभागले जनाएको छ।

आज रातिसमेत देशभर आंशिकदेखि सामान्य बदली रहनेछ। सबै प्रदेशका थोरै स्थानहरूमा मेघगर्जन र चट्याङ सहित हल्कादेखि मध्यम वर्षा हुन सक्ने पूर्वानुमान गरिएको छ।

प्रकाशित मिति: बुधबार, साउन ८, २०८२ ०८:५३