‘रावणका दश टाउकाजस्ता नेताका दश जिब्रा छन्’:डा. नवराज लम्सालद

समाज

गृहपृष्ठ
समाज

डा. नवराज लम्सालद ‘रावणका दश टाउकाजस्ता नेताका दश जिब्रा छन्’:डा. नवराज लम्सालद नेताका दश जिब्रा

नेपालकभर शुक्रबार, साउन १०, २०८२

प्रखर कवि, गीतकार र लेखक डा. नवराज लम्सालले नेपालको राजनीतिलाई अपराधीकरणको बाटोमा रहेको र नेताहरू संवेदना शून्य भएको बताउनुभएको छ। हाल ‘धरा’ महाकाव्यको दोस्रो संस्करण र ‘कर्ण’ महाकाव्यको चौथो संस्करणमा काम गरिरहेका डा. लम्सालले अमेरिकामा नेपाली भाषा, साहित्य र प्रकाशनमाथि ३५ दिनमा २५ वटा कार्यक्रममा भाग लिन पाउँदा खुसी महसुस गर्नुभएको छ।

उनले नयाँ पुस्तालाई प्रविधि र बौद्धिकताको समन्वय गर्न, आत्मजागृति र स्नेहको मात्रा बढाउनुपर्ने बताउनुभयो। साथै, नेपाली समाजमा अझै पनि जातीय विभेद र छुवाछूतको समस्या रहेको जिकिर गर्दै सामाजिक अन्तरघुलन र प्रेमको पक्षलाई सकारात्मक पक्षको रूपमा उल्लेख गर्नुभयो।

पत्रकारिता र साहित्यमा आफ्नो अनुभव बाँड्दै डा. लम्सालले आजको पत्रकारितामा अनावश्यक गाली-गलोज र व्यक्तिगत कुरामा ध्यान जाने प्रवृत्ति प्रति चिन्ता व्यक्त गर्नुभयो। उहाँले आफूलाई जीवनमा एउटा निरन्तर पढ्ने यात्रा भएको र प्रेम गर्ने विधा कवितामै रहेको बताउनुभयो।

राजनीतिमा उहाँले नेताहरूलाई ‘दश जिब्रा भएको रावण’ सँग तुलना गर्दै मुखमा एउटा मात्र जिब्रो राखिदिने इच्छा व्यक्त गर्नुभयो। यदि प्रधानमन्त्री बन्ने अवसर पाएमा शिक्षा सुधारलाई सबैभन्दा प्राथमिकता दिने योजना रहेको बताउनुभयो।

डा. लम्सालले भबिष्यमा नयाँ महाकाव्य र संस्मरण लेख्नेतर्फ केन्द्रित रहेको पनि जानकारी दिनुभयो।

प्रकाशित मिति: शुक्रबार, साउन १०, २०८२ ०७:४९