बैतडीकाे सुर्नयाका ३ जना चरेससहित पक्राउ, बझाङका एकजनाबाट १ किलो चरेस बरामद

विविध

गृहपृष्ठ
विविध

बैतडीकाे सुर्नया बैतडीकाे सुर्नयाका ३ जना चरेससहित पक्राउ, बझाङका एकजनाबाट १ किलो चरेस बरामद चरेस बरामद

नेपालकभर शुक्रबार, साउन १०, २०८२

कैलाली, गोदावरी — प्रहरीले लागुऔषध चरेससहित बैतडी र बझाङका चार जनालाई कैलालीको गोदावरीबाट पक्राउ गरेको छ।

इलाका प्रहरी कार्यालय मालाखेतीबाट खटिएको टोलीले बिहीबार राति विशेष सूचनाको आधारमा गोदावरी नगरपालिका–१ भरतपुरबाट उनीहरूलाई पक्राउ गरेको हो।

प्रहरीका अनुसार पक्राउ पर्नेहरूमा बैतडीको सुर्नया गाउँपालिका–३ का २८ वर्षीय चन्द्र सिंह ऐरी, २५ वर्षीय मोहन भट्ट र २५ वर्षीय महेश विक रहेका छन्। उनीहरूलाई हिँडिरहेका बेला शंका लागि जाँच गर्दा ४६९ ग्राम चरेससहित पक्राउ गरिएको डिएसपी रण बहादुर चन्दले जानकारी दिए।

त्यसैगरी, बझाङ छबिसपाथिभारा गाउँपालिका–७ का ३९ वर्षीय गगन बोहरा पनि पक्राउ परेका छन्। उनको साथबाट १ किलो चरेस बरामद गरिएको प्रहरीले जनाएको छ।

पक्राउ परेकाहरूलाई नियन्त्रणमा राखी थप अनुसन्धान भइरहेको डिएसपी चन्दले बताएका छन्।

प्रकाशित मिति: शुक्रबार, साउन १०, २०८२ ११:११