विद्यादेवी भण्डारी भन्छिन् : "मलाई कुनै पदको लालसा छैन"

राजनीति

गृहपृष्ठ
राजनीति

विद्यादेवी भण्डारी विद्यादेवी भण्डारी भन्छिन् : "मलाई कुनै पदको लालसा छैन" "मलाई कुनै पदको लालसा छैन"

नेपालकभर शुक्रबार, साउन १०, २०८२

काठमाडौं, ९ असार — पूर्वराष्ट्रपति विद्यादेवी भण्डारीले आफूलाई कुनै पदप्रतिको लालसा, महत्त्वाकांक्षा वा आशक्ति नरहेको स्पष्ट पारेकी छन्। शुक्रबार काठमाडौंमा आयोजित पत्रकार सम्मेलनमा बोल्दै उनले राष्ट्रकै सर्वोच्च पदमा पुगिसकेपछि अब पदको पछि लाग्ने सोच नरहेको बताइन्।

“कुनै पदप्रति लालसा, महत्त्वाकांक्षा र आशक्ति छैन। किनभने मैले राष्ट्रकै सर्वोच्च पदमा पुगेर इतिहासमा आफ्नो नाम दर्ज गरिसकेको छु,” भण्डारीको भनाइ थियो।

भण्डारीले पार्टीमार्फत देश र जनताको सेवा गर्ने चाहना भने दोहोऱ्याइन्। उनले राष्ट्रपतिका रूपमा जिम्मेवारी पूरा गरेपछि राजनीतिक दलमा पुनः सक्रिय भएर काम गर्नु अस्वाभाविक नहुने धारणा राखिन्।

“राष्ट्रपतिको जिम्मेवारी पूरा गरेर राजनीतिक दलमा आबद्ध भएर देश र जनताको सेवा गर्नु कुनै अनौठो वा आश्चर्यजनक विषय होइन। यो मेरो संविधानद्वारा सुनिश्चित गरिएको अधिकार हो,” उनले भनिन्।

राजनीतिमा सक्रियता

पूर्वराष्ट्रपति भण्डारीले हालै नेकपा (एमाले) मा सदस्यता नवीकरण गर्दै राजनीतिक सक्रियता बढाउने संकेत दिएकी छन्। पार्टी र विचारप्रति प्रतिबद्ध रहेको जनाउँदै उनले आफ्नो भावी कदम जनताको सेवा र राष्ट्रहितमा केन्द्रित हुने बताइन्।

भण्डारीले संविधानमा रहेका अधिकारअनुसार राजनीतिमा क्रियाशील हुन पाउने हक सबै नागरिकमा रहेको स्मरण गराउँदै, राष्ट्रसेवामा योगदान दिन आफू सदैव तयार रहेको बताइन्।

विश्लेषण

राजनीतिक वृत्तमा भण्डारीको सक्रियता विभिन्न कोणबाट हेरिएको छ। केहीले उनलाई भावी नेताको रुपमा हेरेका छन् भने कतिपय विश्लेषकले उनको सक्रियतालाई पार्टीभित्र सन्तुलनको संकेतका रूपमा व्याख्या गरेका छन्।

प्रकाशित मिति: शुक्रबार, साउन १०, २०८२ १७:१८