यी स्थानमा आज भारी वर्षा हुने

वातावरण

गृहपृष्ठ
वातावरण

देशभर मनसुनी वायुको सक्रिय यी स्थानमा आज भारी वर्षा हुने आज भारी वर्षा

नेपालकभर सोमबार, साउन १३, २०८२

काठमाडौं, असार १२ – हाल देशभर मनसुनी वायुको सक्रिय प्रभाव कायमै रहेको मौसम पूर्वानुमान महाशाखाले जनाएको छ। काठमाडौँ उपत्यकासहित देशका विभिन्न भागमा बिहानैदेखि वर्षा भइरहेको छ। मनसुनको न्यून चापीय रेखा औसत स्थानमा अवस्थित रहेकोले बदली र वर्षाको सम्भावना अझै रहने महाशाखाले चेतावनी दिएको छ।

महाशाखाका अनुसार आज दिउँसो देशभर सामान्यतया बदली हुनेछ। गण्डकी, बागमती र सुदूरपश्चिम प्रदेशका पहाडी भू–भागमा तथा तराईका केही स्थानहरूमा मेघगर्जन र चट्याङसहित मध्यम वर्षाको सम्भावना रहेको छ। साथै, बागमती, गण्डकी र लुम्बिनी प्रदेशका पहाडी क्षेत्रका एक–दुई स्थानमा भारी वर्षा पनि हुन सक्ने पूर्वानुमान गरिएको छ।

आज राति पनि देशभर सामान्य बदली रहनेछ। गण्डकी प्रदेशलगायत देशका पहाडी भू–भागका केही स्थानमा तथा तराईका थोरै भागमा मेघगर्जन र चट्याङसहित मध्यम वर्षा जारी रहने सम्भावना छ।

विभागले सम्भावित भारी वर्षाका कारण पहिरो, बाढी र सडक अवरोध हुन सक्ने भन्दै उच्च सतर्कता अपनाउन सर्वसाधारणलाई अनुरोध गरेको छ।

प्रकाशित मिति: सोमबार, साउन १३, २०८२ ०७:३३