दुई सांसदले फिर्ता लिए मुख्यमन्त्री लामाविरुद्धको अविश्वास प्रस्तावमा गरेको हस्ताक्षर

राजनीति

गृहपृष्ठ
राजनीति

दुई सांसदले फिर्ता लिए मुख्यमन्त्री लामाविरुद्धको अविश्वास दुई सांसदले फिर्ता लिए मुख्यमन्त्री लामाविरुद्धको अविश्वास प्रस्तावमा गरेको हस्ताक्षर अविश्वास प्रस्तावको विषयमा हस्ताक्षर गराइएकोमा हामी असहमत छौं

नेपालकभर मंगलबार, साउन १४, २०८२

हेटौंडा — बागमती प्रदेशसभाका दुई कांग्रेस सांसद माया श्रेष्ठ र मिना पराजुलीले मुख्यमन्त्री बहादुर सिंह लामाविरुद्ध दर्ता गरिएको अविश्वास प्रस्तावमा आफ्नो हस्ताक्षर फिर्ता लिएका छन्। सांसदहरूले अविश्वास प्रस्तावका बारेमा जानकारी नपाई आफूहरूको हस्ताक्षर गरिएको भन्दै असहमति जनाएका हुन्।

सांसद श्रेष्ठ र पराजुलीले जारी गरेको संयुक्त विज्ञप्तिमा उल्लेख छ,
“हामीलाई अविश्वास प्रस्तावको विषयमा जानकारी नदिइ हस्ताक्षर गराइएकोमा हामी असहमत छौं। त्यसैले उक्त प्रस्ताव फिर्ता लिएर संसदीय दलका नेता बहादुर सिंह लामालाई समर्थन गरिरहेको जानकारी गराउँछौं।”

अविश्वास प्रस्ताव ९ साउनमा हेटौंडास्थित प्रदेशसभा सचिवालयमा कांग्रेस संसदीय दलका इन्द्रबहादुर बानियाँसहित २१ सांसदले दर्ता गरेका थिए। त्यस समय माया श्रेष्ठ र मिना पराजुली कार्यालयमा उपस्थित थिएनन्। तसर्थ, उनीहरूको हस्ताक्षरसहित दर्ता गरिएको उक्त प्रस्ताव उनीहरूले फिर्ता लिएपछि अब बहादुर सिंह लामाको पक्षमा १८ र इन्द्रबहादुर बानियाँको पक्षमा १९ सांसद रहेका छन्।

यो विज्ञप्ति ११ साउन मिति दिइएको थियो र मंगलबार सार्वजनिक गरिएको हो।

प्रकाशित मिति: मंगलबार, साउन १४, २०८२ ११:२४