देशका विभिन्न भागस्थित नदीनालामा आकस्मिक बाढीको चेतावनी

वातावरण

गृहपृष्ठ
वातावरण

नदीनालामा आकस्मिक बाढी देशका विभिन्न भागस्थित नदीनालामा आकस्मिक बाढीको चेतावनी नदीनालामा आकस्मिक बाढीको चेतावनी

नेपालकभर बुधबार, साउन १५, २०८२

काठमाडौं, साउन १४ — जल तथा मौसम विज्ञान विभागले आज (बुधबार) देशका विभिन्न भागमा निरन्तर मनसुनी वर्षाका कारण नदीनालामा बाढीको खतरा रहेको भन्दै सतर्कता अपनाउन आग्रह गरेको छ।

विभागअन्तर्गत बाढी पूर्वानुमान महाशाखाका अनुसार आज बिहानको मापनले कोशी, नारायणी, कर्णाली, महाकाली, कमला, बागमती, पूर्वी राप्ती, पश्चिम राप्ती, बबई र कन्काई नदीहरूको बहाव हाल सतर्कता तहभन्दा तल रहे पनि जलप्रवाहमा वृद्धि हुने संकेत देखिएको छ।

उच्च सम्भावना: आकस्मिक बाढीको जोखिम

सङ्खुवासभा, सोलुखुम्बु, रामेछाप, दोलखा, सिन्धुपाल्चोक, रसुवा, धादिङ, नुवाकोट, रुकुम पश्चिम, बझाङ, बाजुरा, अछाम, डोटी, डोल्पा, मुगु, हुम्ला तथा आसपासका जिल्लाबाट बहने साना नदीहरूमा उल्लेख्य बहाव वृद्धि हुने अनुमान गरिएको छ। ती क्षेत्रमा आकस्मिक बाढीको मध्यम जोखिमको उच्च सम्भावना रहेको महाशाखाले जनाएको छ।

मध्यम सम्भावना: बहाव वृद्धि हुने क्षेत्रहरू

ताप्लेजुङ, पाँचथर, ओखलढुङ्गा, काठमाडौँ, ललितपुर, भक्तपुर, काभ्रेपलान्चोक, चितवन, गोरखा, लमजुङ, कास्की, बागलुङ, म्याग्दी, पर्वत, रुकुम पूर्व, जाजरकोट, दैलेख, सुर्खेत र आसपासका जिल्लामा बहने साना नदीहरूमा पनि बहाव उल्लेख्य रूपमा बढ्नेछ। ती क्षेत्रमा आकस्मिक बाढीको मध्यम जोखिमको सम्भावना रहेको पूर्वानुमान गरिएको छ।

विभागको आग्रह

स्थानीयवासीहरू, यात्रुहरू तथा नदी आसपासका बासिन्दाहरूलाई सतर्क रहन, नदी किनारमा अनावश्यक गतिविधि नगर्न र सम्भावित जोखिमबाट जोगिन आवश्यक सतर्कता अपनाउन विभागले अनुरोध गरेको छ।