साउनको तेस्रो सोमबार पशुपतिनाथमा भक्तजनको घुइँचो

समाज

गृहपृष्ठ
समाज

साउनको तेस्रो सोमबार साउनको तेस्रो सोमबार पशुपतिनाथमा भक्तजनको घुइँचो भक्तजनको घुइँचो

नेपालकभर सोमबार, साउन २०, २०८२

काठमाडौं, साउन १९-साउन महिनाको तेस्रो सोमबारको अवसरमा आज काठमाडौंस्थित पशुपतिनाथ मन्दिरमा बिहानैदेखि भक्तजनहरूको घुइँचो लागेको छ। व्रतालुहरू हरियो लुगा, पोते, चूडा र ढुंगा सहित शिवको पूजा गर्न पशुपतिनाथ पुगेका हुन्।

श्रावण महिनाको प्रत्येक सोमबार शिवभक्तहरूका लागि विशेष मानिन्छ। त्यसैअनुसार आज बिहान ३ बजेदेखि नै मन्दिर परिसरमा श्रद्धालुको भीड देखिएको पशुपति क्षेत्र विकास कोषले जनाएको छ। कोषका अनुसार मन्दिरमा पूजाआजाका लागि सुरक्षा व्यवस्था कडा बनाइएको छ भने भक्तजनलाई सहज पार्न स्वयंसेवक, ट्राफिक प्रहरी र स्वास्थ्यकर्मी परिचालन गरिएको छ।

श्रद्धालुहरूले पशुपति मन्दिरको मूल ढोकाबाट प्रवेश गरी पूजा गरेका थिए भने कतिपयले गौरीघाट, वाग्मती किनार, र मृगस्थली क्षेत्रबाट शिवलिङ्गमा जल चढाएका थिए। कतिपय भक्तजनले 'ॐ नमः शिवाय' जप्दै लामो समय लाइन बसेर दर्शन गरे।

साउन सोमबार व्रत बस्दा शिवजी प्रसन्न हुने र मनोकांक्षा पूरा हुने विश्वास रहेको छ। विशेषगरी महिलाहरूले पतिको दीर्घायु र अविवाहित युवतीहरूले राम्रा वर पाउनका लागि यो व्रत बस्ने गर्दछन्।

पशुपति क्षेत्र विकास कोषका कार्यकारी निर्देशक भुवनराज श्रेष्ठका अनुसार, एक लाखभन्दा बढी भक्तजन आज पशुपतिमा पूजाआजा गर्न आएका छन्। मन्दिर परिसरमा स्वास्थ्य शिविर, पानी व्यवस्था र मोबाइल शौचालयसमेतको व्यवस्था गरिएको उनले जानकारी दिए।

त्यस्तै, भक्तजनको भीडलाई मध्यनजर गर्दै बाग्मती सफा अभियान अन्तर्गत फोहोर व्यवस्थापनमा पनि विशेष ध्यान दिइएको जनाइएको छ।

साउन महिना भरि सोमबारको दिन पशुपतिनाथमा यस्तै भक्तजनको भिड लाग्ने क्रम जारी रहने कोषले जनाएको छ।