अष्ट्रेलियन क्याम्पबाट देखियो मनमोहक सूर्योदय र हिमशृंखला

वातावरण

गृहपृष्ठ
वातावरण

अष्ट्रेलियन क्याम्प अष्ट्रेलियन क्याम्पबाट देखियो मनमोहक सूर्योदय र हिमशृंखला सूर्योदय र हिमशृंखला

नेपालकभर बुधबार, साउन २२, २०८२

कास्की, साउन –कास्कीको अन्नपूर्ण गाउँपालिका–६ स्थित लोकप्रिय पर्यटकीय गन्तव्य अष्ट्रेलियन क्याम्पबाट बुधबार बिहान देखिएको सूर्योदय र हिमाली दृश्यले पर्यटकहरूलाई मन्त्रमुग्ध पारेको छ।

साँझपख वर्षा भए पनि बुधबार बिहान मौसम खुलेको हुँदा सूर्योदयको पहिलो किरणसँगै माछापुच्छ्रे, अन्नपूर्ण र धौलागिरी हिमालमा सुनौला रङहरू झल्किएका थिए। प्राकृतिक सुन्दरताले भरिपूर्ण यस दृश्यले त्यहाँ उपस्थित पर्यटक र फोटोग्राफरलाई लोभ्याएको थियो।

स्थानीय पर्यटन व्यवसायी दीपक गुरुङका अनुसार पछिल्लो समय स्वदेशी तथा विदेशी पर्यटकको चाप उल्लेख्य रूपमा बढेको छ। “यस्तो दृश्यले अष्ट्रेलियन क्याम्पको महत्व झनै बढाएको छ,” गुरुङले बताए।

पोखराबाट करिब एक घण्टा दूरीमा रहेको अष्ट्रेलियन क्याम्प अन्नपूर्ण पदमार्गअन्तर्गतको महत्त्वपूर्ण विश्रामस्थल हो। यहाँबाट हिमशृंखला, हरियाली डाँडाकाँडा र सूर्योदय तथा सूर्यास्तका दृश्यहरू अवलोकन गर्न सकिन्छ।

स्थानीय प्रशासन र पर्यटन व्यवसायीहरूले अष्ट्रेलियन क्याम्प क्षेत्रको पूर्वाधार विकास र पर्यटकमैत्री सेवा विस्तारमा जोड दिँदै आएका छन्। यस क्षेत्रको प्रवर्द्धनसँगै पर्यटकीय गतिविधिमा थप उत्साह थपिने अपेक्षा गरिएको छ।

प्रकाशित मिति: बुधबार, साउन २२, २०८२ ११:१८