भक्तपुरका दुई सडकखण्ड एकतर्फी बनाउन सरोकारवालासँग बैठक, अध्ययन टोली गठन

विविध

गृहपृष्ठ
विविध

सरोकारवालासँग बैठक भक्तपुरका दुई सडकखण्ड एकतर्फी बनाउन सरोकारवालासँग बैठक, अध्ययन टोली गठन अध्ययन टोली गठन

नेपालकभर बुधबार, साउन २२, २०८२

भक्तपुर, साउन २१ — भक्तपुर नगरपालिकाको वडा नं. ३ अन्तर्गतका दुई प्रमुख सडकखण्डलाई एकतर्फी (वान वे) बनाउने प्रस्तावमा सरोकारवाला निकायहरूसँग मंगलबार विशेष बैठक सम्पन्न भएको छ। बाराही स्थानदेखि वंशगोपालसम्म र राम मन्दिर पुल हुँदै तालाक्व–बोलाछेसम्मको सडकखण्डलाई एकतर्फी बनाउने विषयमा नगर प्रमुख सुनिल प्रजापतिको अध्यक्षतामा बसेको बैठकमा छलफल गरिएको हो। बैठकमा सहभागी उपप्रमुख रजनी जोशीले भक्तपुर ऐतिहासिक, सांस्कृतिक तथा पर्यटकीय दृष्टिले महत्वपूर्ण क्षेत्र भएकाले ट्राफिक व्यवस्थापन थप प्रभावकारी बनाउन व्यस्त भित्री सडकहरूमा एकतर्फी सवारी सञ्चालन आवश्यक रहेको धारणा व्यक्त गरिन्। भीड बढ्दै गएको ट्राफिक व्यवस्थापनलाई सहज बनाउन सुझाव राख्दै बैठकले एक सात सदस्यीय अध्ययन टोली गठन गर्ने निर्णय गरेको छ। टोलीको संयोजकमा वडा नं. ३ का वडाध्यक्ष राजकृष्ण गोरालाई तोकिएको छ। टोलीमा जिल्ला प्रहरी, ट्राफिक प्रहरी, नगर प्रहरी, वडा निरीक्षक र सरसफाइ शाखाका प्रतिनिधि रहनेछन्। टोलीले आगामी १५ दिनभित्र क्षेत्रको भौतिक निरीक्षण, ट्राफिक चाप, सडक संरचना लगायतका पक्षको मूल्यांकनसहित अध्ययन प्रतिवेदन नगरपालिकामा बुझाउनेछ। भक्तपुरको पुरानो शहर क्षेत्रमा दैनिक जाम र ट्राफिक अवरोधको समस्या बढ्दै गएपछि विकल्पको खोजी हुँदै आएको छ। नगर प्रमुख प्रजापतिले जनताको सरोकार, व्यवसाय र स्थानको संवेदनशीलतालाई ध्यानमा राखी निर्णय गरिने बताएका छन्।