वसन्तपुर दरबार क्षेत्रमा आन्तरिक पर्यटकको चहलपहल

पर्यटन

गृहपृष्ठ
पर्यटन

वसन्तपुर दरबार क्षेत्र वसन्तपुर दरबार क्षेत्रमा आन्तरिक पर्यटकको चहलपहल आन्तरिक पर्यटक

नेपालकभर बिहीबार, साउन २३, २०८२

काठमाडौं, साउन २२-काठमाडौंको विश्वसम्पदा सूचीमा सूचीकृत वसन्तपुरस्थित हनुमानढोका दरबार क्षेत्रमा बुधबार आन्तरिक पर्यटकको उल्लेख्य चहलपहल देखिएको छ।

विद्यालय तथा क्याम्पसको विदाको समय परेपछि आन्तरिक पर्यटकहरूको संख्या बढ्न थालेको हो। राजधानी नजिकैको ऐतिहासिक, सांस्कृतिक र धार्मिक महत्व बोकेको दरबार क्षेत्रको अवलोकनका लागि विभिन्न जिल्लाबाट आएका पर्यटकहरू देखिन्थे।

पर्यटकहरू प्राचीन वास्तुकलासहितको दरबार क्षेत्र, काष्ठमण्डप, तलेजु मन्दिर, हनुमानढोका, नौदुर्गा क्षेत्रलगायत स्थान अवलोकनमा व्यस्त देखिन्थे। कतिपय युवा र किशोर किशोरी फोटो र भिडियो खिच्न व्यस्त थिए।

"इतिहासको बारेमा किताबमा पढेको थिएँ, आज आँखा अगाडि हेर्दा अझ रमाइलो लाग्यो," भक्तपुरबाट आएका १२ कक्षामा अध्ययनरत छात्रा अनुषा खड्काले भनिन्।

काठमाडौं महानगरपालिका, पुरातत्व विभाग र निजी क्षेत्रको सहकार्यमा दरबार क्षेत्रको संरक्षण र प्रवर्द्धनका लागि विभिन्न संरचनाहरू मर्मत तथा पुनर्निर्माण भइरहेका छन्।

स्थानीय व्यवसायीहरूका अनुसार आन्तरिक पर्यटकको चाप बढेपछि खाद्यान्न, हस्तकला र स्मृति सामग्री बेच्ने व्यवसायमा समेत चहलपहल बढेको छ।

विश्व सम्पदा सूचीमा सूचीकृत दरबार क्षेत्र ऐतिहासिक दरबार, मन्दिर र सांस्कृतिक सम्पदाका कारण देश-विदेशका पर्यटकहरूको प्रमुख आकर्षणको केन्द्र मानिन्छ।

प्रकाशित मिति: बिहीबार, साउन २३, २०८२ ०८:३१