थाहा नगरपालिका–३ गोपाली गाँउमा बिकेश गोपालीद्वारा व्यवसायिक भेडे खुर्सानी खेती, बजारिकरणको तयारीमा

उद्यम

गृहपृष्ठ
उद्यम

व्यवसायिक भेडे खुर्सानी खेती थाहा नगरपालिका–३ गोपाली गाँउमा बिकेश गोपालीद्वारा व्यवसायिक भेडे खुर्सानी खेती, बजारिकरणको तयारीमा बजारिकरणको तयारीमा

नेपालकभर बिहीबार, साउन २३, २०८२

मकवानपुर, थाहा – थाहा नगरपालिका वडा नम्बर ३ गोपाली गाउँका कृषक बिकेश गोपालीले व्यवसायिक रूपमा लगाएको भेडे खुर्सानी यतिबेला बजारिकरणको चरणमा पुगेको छ। लामो समयदेखि कृषिमा संलग्न रहेका गोपालीले स्थानीयस्तरमै रोजगारी सिर्जना गर्ने र आर्जन बढाउने लक्ष्यसहित यो खेती सुरु गरेका हुन्।

उहाँले बारीको थुप्रै क्षेत्रफलमा भेडे खुर्सानी खेती गर्दै आउनुभएको छ। अहिले खेतमा पाकेर रातो बनेका खुर्सानी टिप्ने कार्य सकिएपछि बजार पठाउने काम तीव्र रूपमा अघि बढिरहेको छ। “स्थानीय बजारसँगै काठमाडौँ उपत्यकामा पनि पठाउने योजना बनाएका छौँ,” बिकेश गोपालीले बताउनुभयो।

उत्पादन राम्रो भएको र माग पनि उच्च रहेकाले आगामी वर्ष खेतीको क्षेत्रफल थप विस्तार गर्ने तयारीमा आफू रहेको उहाँले जानकारी दिनुभयो। भेडे खुर्सानीको सुकुटी र अचार बनाउनेतर्फ पनि योजना बनाइरहेको उहाँको भनाइ छ।

यसरी व्यवसायिक रूपमा गरिएको खेतीले गाउँमा कृषिको सम्भावना बढाएको र अन्य किसानलाई पनि प्रेरणा मिल्ने देखिन्छ। स्थानीय तह तथा कृषि कार्यालयको सहकार्यमा यस्ता प्रयासलाई थप प्रोत्साहन गर्न सकिने सम्भावना रहेको छ।

प्रकाशित मिति: बिहीबार, साउन २३, २०८२ ११:२०