अफगानिस्तानमा शक्तिशाली भूकम्प, कम्तिमा ९ जनाको मृत्यु

अन्तर्राष्ट्रिय

गृहपृष्ठ
अन्तर्राष्ट्रिय

अफगानिस्तान अफगानिस्तानमा शक्तिशाली भूकम्प, कम्तिमा ९ जनाको मृत्यु शक्तिशाली भूकम्प,

नेपालकभर सोमबार, भदौ १६, २०८२

एजेन्सी — दक्षिण–पूर्वी अफगानिस्तानमा आइतबार राति गएको शक्तिशाली भूकम्पमा परेर कम्तिमा ९ जनाको मृत्यु भएको छ। भूकम्पको तीव्रता ६ रेक्टर स्केल मापन गरिएको अन्तर्राष्ट्रिय सञ्चारमाध्यमहरूले जनाएका छन्।

भूकम्पको धक्का अफगानिस्तानसँगै छिमेकी मुलुक भारतको राजधानी नयाँ दिल्लीसम्म महसुस गरिएको थियो। भूकम्पको झट्कापछि धेरै मानिसहरू त्रसित भएर घर बाहिर निस्किएको बताइएको छ।

भौगर्भिक रूपमा संवेदनशील हिन्दूकुश क्षेत्र

अफगानिस्तानको हिन्दूकुश पर्वतीय क्षेत्र भौगर्भिक दृष्टिले अत्यन्त सक्रिय मानिन्छ। रेडक्रसका अनुसार यो क्षेत्र भारतीय र युरेसियन टेक्टोनिक प्लेटको जङ्क्शनमा अवस्थित रहेको छ। फलस्वरूप यहाँ बारम्बार भूकम्प आउने गरेको छ।

विशेषज्ञहरूले जनाएअनुसार, अफगानिस्तानमा पर्ने प्रमुख फाल्टलाइनहरूमध्ये एक हेरात हुँदै सिधा जाने संरचनागत रेखा हो, जसले यहाँका भूगर्भीय हलचललाई झन् संवेदनशील बनाएको छ।

स्थानीय अधिकारीहरूले उद्धार तथा राहत कार्य सुरु गरेका छन् भने क्षतिको विस्तृत विवरण संकलन भइरहेको छ। मृतकको संख्या अझै बढ्न सक्ने अनुमान गरिएको छ।

प्रकाशित मिति: सोमबार, भदौ १६, २०८२ ०६:५०