२०२५ को आठ महिनामै मुस्ताङमा १ लाख १६ हजार विदेशी पर्यटक, २२ प्रतिशतले वृद्धि

पर्यटन

गृहपृष्ठ
पर्यटन

अन्तर्राष्ट्रिय प्रचार २०२५ को आठ महिनामै मुस्ताङमा १ लाख १६ हजार विदेशी पर्यटक, २२ प्रतिशतले वृद्धि विदेशी पर्यटक,

नेपालकभर बुधबार, भदौ १८, २०८२

मुस्ताङ, भदौ – धार्मिक, सांस्कृतिक र प्राकृतिक विविधताले भरिपूर्ण मुस्ताङ जिल्लामा सन् २०२५ को आठ महिनामै १ लाख १६ हजार ७८७ जना विदेशी पर्यटक भित्रिएका छन्। अन्नपूर्ण संरक्षण क्षेत्र आयोजना (ACAP) अन्तर्गत जोमसोमस्थित इलाका कार्यालयले सार्वजनिक गरेको पछिल्लो तथ्याङ्कअनुसार, यो सङ्ख्या अघिल्लो वर्षको सोही अवधिको तुलनामा २१.९८ प्रतिशतले वृद्धि भएको हो।

सार्क पर्यटकको उच्च उपस्थिति

एक्यापका कार्यालय प्रमुख राजेश गुप्ता का अनुसार, कुल पर्यटकको ८६.६२ प्रतिशत सार्क राष्ट्रबाट आएका छन् भने १३.३७ प्रतिशत अन्य देशका पर्यटक हुन्। जनवरीदेखि अगस्ट महिनासम्म सार्कबाट १ लाख १ हजार १६१ र अन्य मुलुकबाट १५ हजार ६२६ विदेशी पर्यटक मुस्ताङ प्रवेश गरेका हुन्।

गुप्ताका अनुसार सन् २०२४ को सोही अवधिमा सार्कबाट ७८ हजार ७६० र अन्य राष्ट्रबाट १२ हजार ३४९ जना विदेशी पर्यटक मुस्ताङ आएका थिए। यो वर्ष सार्क राष्ट्रबाट २२.१४% र अन्य मुलुकबाट २०.९७% ले पर्यटक बढेका छन्।

प्रत्येक महिनामा वृद्धि

महिनावार विदेशी आगमन विवरण यस्तो छ:

जनवरी: ४,३४६ (सार्क: ३,८३० | अन्य: ५१६)
फेब्रुअरी: ५,३०३ (सार्क: ४,५१० | अन्य: ७९३)
मार्च: १९,०९५ (सार्क: १६,५०७ | अन्य: २,५८८)
अप्रिल: २३,१५२ (सार्क: १८,३०४ | अन्य: ४,८४८)
मे: २५,७२७ (सार्क: २१,९४६ | अन्य: ३,७८१)
जुन: २०,८५८ (सार्क: १९,६४९ | अन्य: १,२०९)
जुलाई: १०,६१९ (सार्क: ९,७९४ | अन्य: ८२५)
अगस्ट: ७,६८७ (सार्क: ६,६२१ | अन्य: १,०६६)

भारतीय पर्यटकको दबदबा

मुस्ताङ भित्रिएका विदेशी पर्यटकमध्ये ८० प्रतिशतभन्दा बढी भारतीय नागरिक रहेको एक्यापले जनाएको छ। अधिकांश भारतीय पर्यटक मुक्तिनाथ मन्दिर दर्शनका लागि आउने गरेका छन्, जसले धार्मिक पर्यटनलाई थप बलियो बनाएको देखिन्छ।

सडक पहुँच र अन्तर्राष्ट्रिय प्रचारको प्रभाव

बेनी–जोमसोम सडकको स्तरोन्नति र यात्रा सहज बनेसँगै मुस्ताङ पुग्ने आन्तरिक र बाह्य पर्यटकको संख्या बर्सेनि बढ्दो क्रममा छ। साथै, अन्तर्राष्ट्रिय सञ्चारमाध्यमहरूले मुस्ताङलाई “घुम्नैपर्ने गन्तव्य”को सूचीमा समावेश गरेपछि यहाँ पर्यटकको चाप झनै बढेको स्थानीय व्यवसायीहरू बताउँछन्।

पर्यटकीय सम्पदाले आकर्षित

मुस्ताङको आकर्षण यत्तिमै सीमित छैन। लोमान्थाङ दरबार, कोरला नाका, पुराना गुम्बाहरू, धार्मिक छोर्तेन र गुफाहरू, तातोपानी, तालहरू, तथा स्थानीय थकाली संस्कृति पर्यटकका लागि विशेष आकर्षण बनेका छन्। यहाँको भूगोल, संस्कृति र जैविक विविधताले मुस्ताङलाई अन्तर्राष्ट्रिय स्तरमा अलग्गै पहिचान दिलाइरहेको छ।

अघिल्लो वर्षको वार्षिक आगमन

सन् २०२४ मा जनवरीदेखि डिसेम्बरसम्म १ लाख २५ हजार ७१९ जना विदेशी पर्यटक मुस्ताङ आएका थिए। यसमध्ये सार्कका १ लाख १३१ र अन्य मुलुकका १५ हजार ५८८ थिए।

मुख्य तथ्यहरू एक नजरमा: