पहिलो पटक एउटै मञ्चमा देखिए सी, पुटिन र किम जोङ-उन

अन्तर्राष्ट्रिय

गृहपृष्ठ
अन्तर्राष्ट्रिय

सी, पुटिन र किम जोङ-उन पहिलो पटक एउटै मञ्चमा देखिए सी, पुटिन र किम जोङ-उन एउटै मञ्च

नेपालकभर बुधबार, भदौ १८, २०८२

बेइजिङ, भदौ १८ — दोस्रो विश्वयुद्धको अन्त्यको ८० औं वार्षिकोत्सवको अवसरमा चीनले आयोजना गरेको भव्य विजय दिवस समारोह ऐतिहासिक बनेको छ। कार्यक्रममा चिनियाँ राष्ट्रपति सी जिनपिङ, रूसी राष्ट्रपति भ्लादिमिर पुटिन र उत्तर कोरियाका सर्वोच्च नेता किम जोङ-उन एउटै मञ्चमा देखिए, जुन दृश्य पहिलो पटक देखिएको हो।

बेइजिङमा आयोजित यस सैन्य परेडलाई हालसम्मको सबैभन्दा ठूलो बताइएको छ। परेड अवलोकनका क्रममा राष्ट्रपति सी, राष्ट्रपति पुटिन र नेता किम जोङ-उन काँधमा काँध मिलाएर हिंडेको दृश्यले अन्तर्राष्ट्रिय समुदायको ध्यान तानेको छ।

अमेरिकी टेलिभिजन नेटवर्क सीएनएनका अनुसार, यी तीन नेता एकैसाथ सार्वजनिक रूपमा देखिएको यो पहिलो अवसर हो।

चीनले दोस्रो विश्वयुद्धको अन्त्य भएको अवसरमा यस्तो भव्य समारोह दोस्रो पटक आयोजना गरेको हो। समारोहले चीनको कूटनीतिक शक्ति प्रदर्शनका साथै पूर्वी एसियाली गठबन्धनहरूबीच बढ्दो सहकार्यको संकेत दिएको विभिन्न विश्लेषकहरूको भनाइ छ।

कार्यक्रममा विभिन्न देशका उच्चस्तरीय प्रतिनिधिमण्डलहरूको उपस्थिति रहेको थियो भने सैन्य प्रदर्शनमार्फत चीनले आफ्नो सैन्य क्षमताको व्यापक प्रदर्शन गरेको थियो।

प्रकाशित मिति: बुधबार, भदौ १८, २०८२ ११:००