प्रधानमन्त्री सुशीला कार्कीको कडा चेतावनी: "अदालत जलाउने अपराधी उन्मुक्ति नदिइने"

प्रशासन

गृहपृष्ठ
प्रशासन

अपराधी उन्मुक्ति नदिइने" प्रधानमन्त्री सुशीला कार्कीको कडा चेतावनी: "अदालत जलाउने अपराधी उन्मुक्ति नदिइने" कडा चेतावनी

नेपालकभर आइतबार, भदौ २९, २०८२

काठमाडौं,
पदभार ग्रहण गरेको पहिलो दिनमै प्रधानमन्त्री सुशीला कार्कीले कडा सन्देश दिएकी छन्। सर्वोच्च अदालतसहितका सरकारी कार्यालयमा भएको आगजनीलाई 'प्रशासन र कानूनमाथिको खुला चुनौती' भन्दै उनले यस्तो आपराधिक कार्यमा संलग्न व्यक्तिलाई कुनै हालतमा उन्मुक्ति नदिइने चेतावनी दिएकी छन्।

आज बिहान सिंहदरबारस्थित प्रधानमन्त्री तथा मन्त्रिपरिषद्को कार्यालयमा पदभार ग्रहण गरेपछि उनले कर्मचारीहरूसँगको पहिलो सम्बोधनमा भनिन्, "सर्वोच्च अदालत जलेर भष्म भएको छ। यो केवल एउटा भवनको क्षति होइन, न्यायप्रणालीमाथिको गम्भीर हमला हो। यस अपराधलाई सामान्य रुपमा लिन सकिन्न।"

उनले थप भनिन्, "हामीमाथि खुला चुनौती दिइएको छ। अब समय आएको छ—कानूनको शासन स्थापित गर्न। कसैले सोच्नु हुँदैन कि यस्तो कार्य गरेर उम्कन सकिन्छ। अपराधी जस–जसले गरे पनि, जतिसुकै शक्तिशाली किन नहोस्, कारबाहीको दायराबाट बाहिर रहने छैन।"

प्रधानमन्त्री कार्कीले प्रशासनिक संयन्त्रलाई अझ चुस्त र पारदर्शी बनाउन प्रतिबद्धता जनाउँदै सबै सरकारी कर्मचारीलाई इमानदारीपूर्वक काम गर्न आह्वान गरिन्।

स्रोतका अनुसार, हालसम्मको प्रारम्भिक अनुसन्धानले आगजनी पूर्व नियोजित भएको संकेत देखाएको छ। घटनामा संलग्न व्यक्तिहरुको पहिचान प्रक्रिया तीव्र पारिएको छ।

प्रधानमन्त्री कार्की नेपालकी पहिलो महिला प्रधानन्यायाधीश भइसकेकी व्यक्ति हुन्, जसले विगतमा पनि भ्रष्टाचार तथा सत्ता दुरुपयोग विरुद्ध कडा भूमिका निभाएकी थिइन्। प्रधानमन्त्रीको रुपमा उनको यो पहिलो सम्बोधनले शासनमा कडाई आउने संकेत दिएको छ।