संसद विघटन प्राप्त उपलब्धि समाप्त पार्ने षड्यन्त्र: माओवादी केन्द्रको आरोप

राजनीति

गृहपृष्ठ
राजनीति

माओवादी केन्द्र संसद विघटन प्राप्त उपलब्धि समाप्त पार्ने षड्यन्त्र: माओवादी केन्द्रको आरोप विघटन

नेपालकभर मंगलबार, भदौ ३१, २०८२

काठमाडौं, भदौ – नेकपा (माओवादी केन्द्र) ले प्रतिनिधि सभा विघटनलाई लोकतन्त्र र प्राप्त उपलब्धिहरूमाथिको गम्भीर प्रहारको रूपमा व्याख्या गर्दै त्यसको कडा विरोध गर्ने जनाएको छ। पार्टीले संसद विघटनलाई अस्थिरता र प्रतिक्रियावादी षड्यन्त्रको संकेत भन्दै सम्पूर्ण जनतालाई सचेत रहन अपील गरेको छ।

माओवादी केन्द्रका सचिव देवेन्द्र पौडेलले विघटनको कदमलाई लोकतान्त्रिक मूल्य र जनमतको अपमान भनेका छन्। “प्रतिनिधि सभा विघटन गर्नु लोकतन्त्रप्रतिको गम्भीर आघात हो,” उनले भने, “यो गम्भीर षड्यन्त्र हो, जसले राज्यलाई अस्थिरतातर्फ धकेल्ने र विगतमा प्राप्त उपलब्धिहरू समाप्त पार्ने लक्ष्य लिएको छ। पार्टी यसविरुद्ध दृढ रूपमा उभिनेछ।”

पार्टी पदाधिकारीहरूको बैठकले संसद विघटनको चर्को विरोध गर्ने निर्णय गरेको पौडेलले जानकारी दिए। “जननिर्वाचित सर्वोच्च संस्था विघटन गर्नु भनेको जनताको सार्वभौम मतको अवमूल्यन गर्नु हो। यसले लोकतान्त्रिक अभ्यासमाथि प्रश्न उठाएको छ,” उनले बताए।

माओवादी केन्द्रले संविधान, संघीयता, गणतन्त्र र समावेशी लोकतन्त्रजस्ता संघर्षबाट प्राप्त उपलब्धिहरूको रक्षा गर्न सबै प्रगतिशील, लोकतान्त्रिक शक्तिहरूलाई एकजुट हुन आह्वान समेत गरेको छ।

प्रकाशित मिति: मंगलबार, भदौ ३१, २०८२ ०७:४७