आज यी प्रदेशहरूमा भारी वर्षाको सम्भावना

वातावरण

गृहपृष्ठ
वातावरण

न्यून चापीय रेखा आज यी प्रदेशहरूमा भारी वर्षाको सम्भावना भारी वर्षा

नेपालकभर बुधबार, असोज १, २०८२

काठमाडौँ— हाल देशभर मनसुनी गतिविधि सक्रिय रहेको छ । मनसुनको न्यून चापीय रेखा सरदर स्थान नजिकै रहनुका साथै अरब सागर तथा बङ्गालको खाडीबाट जलवाष्पयुक्त हावा प्रवेश गरिरहेका कारण वर्षा हुने सम्भावना बढेको मौसम पूर्वानुमान महाशाखाले जनाएको छ ।

महाशाखाका अनुसार आज दिउँसो देशभर सामान्यतया बदली रहनेछ भने बागमती, लुम्बिनी प्रदेश लगायत पहाडी भू-भागका केही स्थानहरूमा तथा अन्य स्थानहरूमा थोरै मात्रामा मध्यम वर्षा हुन सक्ने सम्भावना छ ।

त्यस्तै, कोशी, बागमती र कर्णाली प्रदेशका पहाडी भू-भाग, साथै लुम्बिनी प्रदेशका तराई क्षेत्रका एक–दुई स्थानमा भारी वर्षाको सम्भावना रहेको छ । यी स्थानहरूमा स्थानीय बाढीपहिरोको जोखिमसमेत रहने देखिएको छ ।

आज राति पनि मौसममा उल्लेखनीय उतारचढाव आउनेछ । कोशी, मधेश, बागमती र गण्डकी प्रदेशसहित देशका पहाडी भू-भागहरूमा सामान्यतया बदली रहनेछ भने बाँकी क्षेत्रमा आंशिक बदली रहने अनुमान गरिएको छ ।

रातिको समयका लागि पनि कोशी, मधेश, बागमती र गण्डकी प्रदेशका पहाडी क्षेत्रमा केही स्थानमा मध्यम वर्षा हुने सम्भावना छ भने मधेश, कोशी र बागमती प्रदेशका पहाडी भागका एक-दुई स्थानमा भारी वर्षा हुन सक्ने महाशाखाले जनाएको छ ।

सावधानी अपनाउन महाशाखाको आग्रह

मौसम विभागले सम्भावित भारी वर्षालाई ध्यानमा राखी बाढी, पहिरो र खोला–नालाहरूको सतर्क निगरानी गर्न आग्रह गरेको छ । यात्रा गर्नेहरूलाई आवश्यक सावधानी अपनाउन र मौसम अपडेटमा ध्यान दिन अनुरोध गरिएको छ ।

प्रकाशित मिति: बुधबार, असोज १, २०८२ ०७:४४