पूर्व उपराष्ट्रपति नन्दकिशोर पुनको निवासमा आगजनी

विविध

गृहपृष्ठ
विविध

दहचोकस्थित पूर्व उपराष्ट्रपति नन्दकिशोर पुनको निवासमा आगजनी निवासमा आगजनी

नेपालकभर बिहीबार, असोज २, २०८२

काठमाडौं,
जेएन-जी आन्दोलनका क्रममा विरोध प्रदर्शन उग्र बन्दै जाँदा नेकपा (माओवादी केन्द्र) का नेता तथा पूर्व उपराष्ट्रपति नन्दकिशोर पुनको काठमाडौंको दहचोकस्थित निजी निवासमा आगजनी गरिएको छ। घटनामा मानवीय क्षति नभए पनि घरको संरचनामा व्यापक भौतिक क्षति पुगेको सुरक्षा निकायले पुष्टि गरेको छ।

सुरक्षा स्रोतका अनुसार, आन्दोलनकारीको समूहले पुनको निवास परिसरमा प्रवेश गरी तोडफोड गरेपछि घरको एक भागमा आगो लगाएको थियो। समयमै आगो नियन्त्रणमा लिइएकाले ठूलो क्षति हुनबाट जोगिएको जनाइएको छ।

काठमाडौं जिल्ला प्रशासन कार्यालयले घटनाको प्रारम्भिक अनुसन्धान थालेको जनाएको छ। साथै, दोषी पहिचान गरी कानुनी कारबाही अघि बढाइने प्रतिबद्धता व्यक्त गरिएको छ।

स्मरणीय छ, हाल देशभर फैलिएको जेएन-जी आन्दोलनले भ्रष्टाचार, बेरोजगारी, शिक्षा र न्याय प्रणालीमा सुधारको माग गर्दै सरकारविरुद्ध व्यापक दबाब सिर्जना गरिरहेको छ। आन्दोलनको क्रममा विभिन्न राजनीतिक नेताका निवास, सार्वजनिक कार्यालय तथा दलका सम्पत्तिमा तोडफोड र आगजनीका घटनाहरू घटिरहेका छन्।

यस घटनाप्रति राजनीतिक दलहरुले मिश्रित प्रतिक्रिया जनाएका छन्। नेकपा (माओवादी केन्द्र) ले घटनाप्रति आपत्ति जनाउँदै विरोधको नाममा हिंसात्मक गतिविधि अस्वीकार्य भएको जनाएको छ। यता, आन्दोलनकारी समूहले भने देशका पूर्वाधिकार प्राप्त नेताहरुप्रति जनआक्रोश स्वाभाविक भएको तर्क गरेका छन्।

स्थानीय प्रशासनले सुरक्षा व्यवस्था थप कडा बनाएको छ भने राजधानीका संवेदनशील क्षेत्रमा सुरक्षाकर्मीको तैनाथी बढाइएको छ।

प्रकाशित मिति: बिहीबार, असोज २, २०८२ ११:३५