कान्तिपुरका अध्यक्ष सिरोहिया कार्यालयबाटै पक्राउ, नागरिकता सम्बन्धी कसुरमा अनुसन्धान सुरु

समाचार

गृहपृष्ठ
समाचार

कान्तिपुरका अध्यक्ष सिरोहिया कार्यालयबाटै पक्राउ, नागरिकता सम्बन्धी कसुरमा अनुसन्धान सुरु

नेपालकभर मंगलबार, जेठ ८, २०८१

काठमाडौं । कान्तिपुर मिडिया ग्रुपका अध्यक्ष कैलाश सिरोहिया मिडियाको कर्पोरेट कार्यालयबाटै पक्राउ पर्नु भएको छ । सिरोहियालाई काठमाडौं उपत्यका अपराध अनुसन्धान कार्यालयको टोलीले थापाथलीस्थित कान्तिपुर कार्यालयबाटै पक्राउ गरेको हो ।

पक्राउका लागि उपत्यका अपराध अनुसन्धान कार्यालयका प्रमुख एसएसपी सानुराम भट्टराई र एसपी रवीन्द्र रेग्मी कान्तिपुर कार्यालय पुगेको बताइएको छ ।

नागरिकतासम्बन्धी कसुरमा अनुसन्धानका लागि सिरोहियालाई पक्राउ गर्न जिल्ला अदालत, धनुषाले मंगलबार मात्रै अनुमति दिएको थियोे ।

सिरोहियाविरुद्ध सर्लाहीका इन्द्रजित महतोले जिल्ला प्रहरी कार्यालय, धनुषामा १६ वैशाख २०८१ मा किटानी जाहेरी दिनु भएको थियो । जाहेरीमा सिरोहियाले फरक-फरक नम्बरका नागरिकताहरु प्रयोग गरिरहेको भन्दै नागरिकता ऐन, २०६३ अनुसारको कसूरमा छानबिन गर्न माग गरिएको छ ।

सिरोहियाले भने सहकारीको वचत रकम हिनामिनाका विषयमा निरन्तर रिपोर्टिङ गरेकाले गृहमन्त्री रवि लामिछानेले प्रतिशोधपूर्ण व्यवहार गरेको प्रतिक्रिया दिनु भएको छ ।

गृहमन्त्री लामिछानेविरुद्ध दुईवटा राहदानीको मुद्दा रहेको भन्दै सिरोहियाले उहाँविरुद्ध पनि पक्राउ पुर्जी जारी हुने आशा रहेको बताउनु भएको छ ।

प्रकाशित मिति: मंगलबार, जेठ ८, २०८१ २०:०२