एसिसी यू–१९ प्रिमियर कप : उपाधिका लागि नेपाल आज यूएईसँग भिड्दै

खेल

गृहपृष्ठ
खेल

उपाधि एसिसी यू–१९ प्रिमियर कप : उपाधिका लागि नेपाल आज यूएईसँग भिड्दै

नेपालकभर सोमबार, मंसिर १६, २०८२

काठमाडौँ

एसिसी पुरुष यू–१९ प्रिमियर कप क्रिकेटमा उपाधि लक्षित गर्दै नेपाल आज आयोजक संयुक्त अरब इमिरेट्स (यूएई) सँग प्रतिस्पर्धा गर्दैछ। फाइनल खेल आज बिहान १०:३० बजे अजमानस्थित करवान मैदानमा तय गरिएको छ।

सेमिफाइनलमा नेपालले मलेसियालाई ९ विकेटले पराजित गर्दै उपाधिनजिक पुगेको हो। त्यस्तै, यूएईले ओमानलाई ८ विकेटले हराउँदै फाइनल स्थान सुरक्षित गरेको हो।

फाइनलमा पुगेसँगै नेपाल र यूएई दुबै टोली यू–१९ एसिया कपका लागि छनोट भइसकेका छन्। प्रतियोगिताको नियमअनुसार शीर्ष दुई टोलीले सिधैँ एसिया कपमा स्थान पाउँछन्। यसैगरी, सेमिफाइनलमा पराजित मलेसिया र ओमानबीच तेस्रो स्थानका लागि खेल आज नै हुनेछ, जसको विजेता पनि एसिया कपमा प्रवेश पाउनेछ।

१४ टोली सहभागी रहेको यू–१९ एसिया कप यही डिसेम्बरमा यूएईमै आयोजना हुँदैछ।

प्रकाशित मिति: सोमबार, मंसिर १६, २०८२ ०८:१५