आर्सनलको अग्रता पाँच अंकमै स्थिर

खेल

गृहपृष्ठ
खेल

अग्रता कायम आर्सनलको अग्रता पाँच अंकमै स्थिर

नेपालकभर बिहीबार, मंसिर १९, २०८२

काठमाडौँ

इंग्लिस प्रिमियर लिगमा आर्सनलले आफ्नो शीर्षस्थान सुरक्षित राख्दै पाँच अंकको अग्रता कायम गरेको छ। बुधवार इमिरेट्समा भएको खेलमा घरेलु टोलीले ब्रेन्टफोर्डलाई सहज रुपमा २–० ले पराजित गर्‍यो।

आर्सनलका मिखेल मेरिनो र बुकायो साकाले गोल गर्दै टोलीलाई जित दिलाए। यससँगै १४ खेलबाट आर्सनलको अंक ३३ पुगेको छ भने २८ अंकसहित म्यानचेस्टर सिटी दोस्रो स्थानमा छ।

तेस्रो स्थानमा रहेको एस्टन भिल्लाले ब्राइटनलाई रोमाञ्चक खेलमा ४–३ ले हराउँदै २७ अंक जोड्यो। लिड्सले चेल्सीमाथि ३–१ को प्रभावशाली जित दर्ता गर्दा चेल्सी २४ अंकसहित चौथो स्थानमा झर्‍यो। क्रिस्टल प्यालेसले बर्नलीलाई १–० ले पराजित गर्दै २३ अंकसहित शीर्ष–चारमा पुनः प्रवेश गर्न सफल भयो।

अन्य खेलमा नटिंघम फरेस्टले उल्भ्सलाई १–० ले पछाडि पारेको छ। लिभरपुल र सन्डरल्यान्डबीचको खेल १–१ को बराबरीमा समाप्त भयो।

प्रकाशित मिति: बिहीबार, मंसिर १९, २०८२ ०७:२७