तराईमा हुस्सुको प्रभाव, उच्च पहाड–हिमालमा हल्का वर्षा र हिमपातको सम्भावना

वातावरण

गृहपृष्ठ
वातावरण

आंशिक बदली तराईमा हुस्सुको प्रभाव, उच्च पहाड–हिमालमा हल्का वर्षा र हिमपातको सम्भावना

नेपालकभर शुक्रबार, पुस १८, २०८२

काठमाडौँ, पुस १८

पश्चिमी वायुको आंशिक प्रभाव कायमै रहेका कारण तराईका अधिकांश भू–भागमा आज पनि हुस्सु तथा कुहिरोको प्रभाव रहने मौसम पूर्वानुमान महाशाखाले जनाएको छ।

महाशाखाका अनुसार शुक्रबार दिउँसो देशका पहाडी तथा हिमाली भू–भागमा सामान्य बदली रहनेछ भने बाँकी स्थानमा आंशिक बदली रहने अनुमान छ। कोशी र गण्डकी प्रदेशका पहाडी भू–भागका एकदुई स्थानमा हल्का वर्षा हुनसक्ने तथा उच्च पहाडी र हिमाली क्षेत्रमा हल्का हिमपातको सम्भावना रहेको छ।

त्यसैगरी, आज राति कोशी, बागमती, गण्डकी र कर्णाली प्रदेशका पहाडी तथा हिमाली भू–भागमा आंशिक बदली रहने जबकि अन्य भागमा मौसम सामान्यतः सफा रहने महाशाखाले जनाएको छ। कोशी, बागमती र गण्डकीका उच्च पहाडी र हिमाली क्षेत्रका केही स्थानमा हल्का हिमपातको सम्भावना रहँदै तराईका केही भागमा हुस्सु जारी रहनेछ।

तराई क्षेत्रमा बढ़्दो हुस्सुको प्रभावका कारण दैनिक जनजीवन, स्वास्थ्य तथा सडक यातायातमा आंशिक असर पर्न सक्ने चेतावनी दिंदै महाशाखाले आवश्यक सतर्कता अपनाउन र नियमित रूपमा अद्यावधिक मौसम सूचना अवलोकन गर्न सर्वसाधारणलाई आग्रह गरेको छ।

प्रकाशित मिति: शुक्रबार, पुस १८, २०८२ ०७:१९