राष्ट्रियसभा सदस्यको उम्मेदवारी आज दर्ता हुँदै

राजनीति

गृहपृष्ठ
राजनीति

मनोनयन दर्ता राष्ट्रियसभा सदस्यको उम्मेदवारी आज दर्ता हुँदै

नेपालकभर बुधबार, पुस २३, २०८२

काठमाडौँ

राष्ट्रियसभा सदस्य निर्वाचनका लागि आज देशभर उम्मेदवारहरूको मनोनयन दर्ता भइरहेको छ। निर्वाचन आयोगले तोकेको कार्यक्रमअनुसार बिहान १० बजेदेखि दिउँसो ३ बजेसम्म मनोनयन फाराम दर्ता गर्न सकिने छ।

आगामी माघ ११ गते हुने भनिएको राष्ट्रियसभा निर्वाचनबाट रिक्त हुँदै गरेको १८ सिटका लागि मतदान गरिनेछ। आयोगले यसअघि पुस १९ गते मतदाता नामावली प्रकाशन गरिसकेको छ भने मंगलबार दावी–विरोध प्रक्रिया पूरा गरी अन्तिम मतदाता नामावली सार्वजनिक गरेको हो।

कार्यक्रमअनुसार पुस २४ गते उम्मेदवारविरुद्ध उजुरी दिने, पुस २७ गते नाम फिर्ता लिने समय तोकिएको छ। सोही दिन अन्तिम उम्मेदवारको सूची प्रकाशन गरिने छ भने पुस २८ गते चुनाव चिन्ह वितरण गरिने आयोगले जनाएको छ।

माघ ११ गते बिहान ९ बजेदेखि दिउँसो ३ बजेसम्म मतदान हुनेछ। आगामी फागुन २० गतेदेखि राष्ट्रियसभाका १८ सदस्य पदमुक्त हुँदै गएपछि ती सिट पूर्ति गर्न निर्वाचन हुँदैछ। यस निर्वाचनमा प्रदेशसभा सदस्य तथा स्थानीय तहका प्रमुख, उपप्रमुख, अध्यक्ष र उपाध्यक्ष मतदाता रहनेछन्।

प्रकाशित मिति: बुधबार, पुस २३, २०८२ ०७:४६