नेपाली कांग्रेस विशेष महाधिवेशनः उम्मेदवारको मनोनयन दर्ता प्रक्रिया सुरु

राजनीति

गृहपृष्ठ
राजनीति

सभापतिदेखि केन्द्रीय सदस्यसम्मका पदका लागि आज मनोनयन नेपाली कांग्रेस विशेष महाधिवेशनः उम्मेदवारको मनोनयन दर्ता प्रक्रिया सुरु

नेपालकभर बुधबार, माघ १, २०८२

काठमाडौँ ।

नेपाली कांग्रेसको विशेष महाधिवेशन अन्तर्गत विभिन्न पदका उम्मेदवारहरूको मनोनयन पत्र दर्ता प्रक्रिया सुरु भएको छ। निर्वाचन समितिका संयोजक वरिष्ठ अधिवक्ता सीताराम केसीका अनुसार मनोनयन दर्ताका लागि बिहान ९:१५ बजेसम्मको समय तोकिएको छ।

मनोनयन प्रक्रिया सम्पन्न भएपछि निर्वाचनसम्बन्धी अन्य कार्यक्रमहरू अघि बढाइने केसीले जानकारी दिए। पार्टीको पुरानै विधानअनुसार हुने यस निर्वाचनमा एक सभापति, दुई उपसभापति, दुई महामन्त्री, आठ सहमहामन्त्री तथा १२१ केन्द्रीय सदस्य पदका लागि मतदान हुनेछ।

विशेष महाधिवेशनले बनाएको कार्यविधिअनुसार केसीको संयोजकत्वमा पाँच सदस्यीय निर्वाचन समिति गठन गरिएको छ, जसले सम्पूर्ण निर्वाचन प्रक्रिया सञ्चालन गर्नेछ।

नेपाली कांग्रेसको १४औँ महाधिवेशनमा कुल ४ हजार ७ सय ४३ महाधिवेशन प्रतिनिधि रहेका थिए। निधन भएका तथा अन्य पार्टीमा प्रवेश गरेका प्रतिनिधिहरू बाहेक हाल ४ हजार ६ सय ३५ जना प्रतिनिधि मतदानका लागि कायम रहेको पार्टीले जनाएको छ।

प्रकाशित मिति: बुधबार, माघ १, २०८२ १०:१२