दोहोरो अंकले घट्यो नेप्से, अन्योलमा लगानीकर्ता

अर्थ

गृहपृष्ठ
अर्थ

दोहोरो अंकले घट्यो नेप्से, अन्योलमा लगानीकर्ता

नेपालकभर आइतबार, असार २, २०८१

काठमाडौं । साताको पहिलो कारोबार दिन आइतबार शेयर बजार दोहोरो अकंले घटेको छ । आइतबार नेपाल स्टक एक्सचेञ्ज (नेप्से) १७.०४ अकंले घटेर २०९५.२५ बिन्दुमा पुगेर बन्द भएको छ ।

यस दिन ३१७ कम्पनीको १ करोड ३२ लाख २३ हजार ८८४ कित्ता शेयर किनबेच हुँदा ५ अर्ब ४७ करोड २२ लाख ५३ हजार रुपैयाँको कारोबार भएको छ ।

आइतबार १२ उपसूचक राताम्य देखिए । यो दिन बैंकिङ समूहको ०.८५ प्रतिशत, विकास बैंक समूहको १.२० प्रतिशत, फाइनान्स समूहको ०.७४ प्रतिशत, हाइड्रोपावर समूहको ०.२३ प्रतिशत र जीवन बीमा कम्पनीको ०.३६ प्रतिशतले शेयर मूल्य ओरालो लागेको छ । यसदिन होटल तथा पर्यटन समूहको ०.०४ प्रतिशतले शेयर मूल्य बढेको हो ।

साताको पहिलो कारोबारको दिन नेपाल फाइनान्सको ३० करोड ४० लाख रुपैयाँ, एनआरएनज इन्फाइस्ट्रचरको १८ करोड र न्यादी ग्रुपको १५ करोड २५ लाख रुपैयाँको कारोबार भएको छ । अहिले धितोपत्र बोर्डको अध्यक्ष चयन प्रक्रिया अन्योलमा परेको छ ।

लामो समयसम्म रिक्त बोर्डको अध्यक्ष पाउने आशा बोकेका लगानीकर्ता निराश बन्दै गएका छन् । राजनीतिक भागभण्डामा बोर्ड अध्यक्ष चयन हुने देखिएपछि लगानीकर्ताको मनोबल कमजोर हुँदै एको हो । बैंकको ब्याजदर निरन्तर ओरालो लागिरहेको छ । तर, शेयर बजारमा उत्साह आउन सकेको छैन । नियामक निकायले लगानीकर्ताको मनोबल उच्च बनाउने गरी काम गर्नु पर्ने देखिएको छ ।

प्रकाशित मिति: आइतबार, असार २, २०८१ १५:१६