दोहोरो अंकले घट्यो शेयर बजार, चार अर्बको कारोबार

अर्थ

गृहपृष्ठ
अर्थ

दोहोरो अंकले घट्यो शेयर बजार, चार अर्बको कारोबार

नेपालकभर बुधबार, असार १२, २०८१

काठमाडौं। केहीदिन झिनो सुधारको लयमा रहेको शेयर बजार मापक नेप्से परिसूचक साताको चौथो कारोबार दिन बुधबार दोहोरो अकंले घटेको छ । पछिल्ला दुई दिन हरियाली देख्न पाइएको शेयर बजार बुधबार भने ओरालो लागेको हो ।

यसदिन नेप्से ११.६ अकंले घटेर २०६०.१६ बिन्दुमा बन्द भएको छ । बुधबार ३०५ कम्पनीको ८७ लाख २७ हजार १६४ कित्ता शेयर किनबेच हुँदा ४ अर्ब ५ करोड ८० लाख ४७ हजार रुपैयाँको कारोबार भएको छ ।

बुधबार १० उपसूचक राताम्य भए । बैंकिङ समूह ०.६५ प्रतिशत, विकास बैंक समूहको १.०३ प्रतिशत, होटल तथा पर्यटन समूह ०.२९ प्रतिशत, हाइड्रोपावर समूह ०.५८ प्रतिशत, इन्भेष्टमेन्ट समूहको ०.९१ प्रतिशतले शेयर कारोबार घटेको हो ।

बुधबार नेपाल फाइनान्सको १६ करोड ४६ लाख रुपैयाँ, गुडबिल फाइनान्सको १५ करोड १६ लाख रुपैयाँको शेयर कारोबार भयो । अहिले लगानीकर्ता मौद्रिक नीति समीक्षाको प्रतिक्षामा छन् । जस कारण उनीहरु अझै पर्ख र हेरको अवस्थामा छन् ।

प्रकाशित मिति: बुधबार, असार १२, २०८१ १५:४३