दुईपल्ट सर्किट लागेको शेयर बजार ४७ अंकले बढेर बन्द

अर्थ

गृहपृष्ठ
अर्थ

दुईपल्ट सर्किट लागेको शेयर बजार ४७ अंकले बढेर बन्द

नेपालकभर मंगलबार, असार १८, २०८१

काठमाडौं । शेयर बजार मापक नेप्से परिसूचक ४७ अंकले बढेर बन्द भएको छ । मंगलबार नेप्से परिसूचक ४७.०४ अंकले बढेर २१०० विन्दुमा पुगेर बन्द भएको हो ।

साताको तेस्रो कारोबार दिन मंगलबार चार अर्ब ५७ करोड ६८ लाख रुपैयाँको शेयर कारोबार भयो । बजार खुलेको एक मिनेट मै ४ प्रतिशतले बढेर २० मिनेट बन्द भएको थियो । त्यसपछि पुनः पाँच प्रतिशत बजार बढेर ४० मिनेट बन्द भएको थियो ।

११ बजेर २१ मिनेट जाँदासम्म बजार १०२.६८ अंकले बढेर २१५६.०७ विन्दुसम्म पुगेको थियो । त्यसपछि मध्याह्न १२ बजे खुलेको बजार दिनभर उतारचढावमा गुज्रियो ।

मंगलबार नेप्से परिसूचक २.२९ प्रतिशतले बढेको छ । २२७ कम्पनीको शेयर मूल्यवृद्धि भएको छ । १७ कम्पनीको शेयर मूल्य घटेको छ । तीन कम्पनीको शेयर मूल्यस्थिर रहयो । हिमालयन डिष्टिलरीको शेयर मूल्य प्रतिकित्ता ८.५४ प्रतिशतले वृद्धि भएको छ ।

कारोबारमा आएका १३ समूहको परिसूचक नै बढेको छ । परिसूचक सर्वाधिक वृद्धि उत्पादन तथा प्रशोधन समूहको ३.३ प्रतिशतले वृद्धि भएको छ ।

प्रकाशित मिति: मंगलबार, असार १८, २०८१ १६:१६