भदौ ११ देखि भृकुटीमण्डपमा नाडा अटो शो, १३० स्टल रहने

अर्थ

गृहपृष्ठ
अर्थ

भदौ ११ देखि भृकुटीमण्डपमा नाडा अटो शो, १३० स्टल रहने

नेपालकभर बुधबार, साउन ३०, २०८१

काठमाडौं । काठमाडौंको भृकुटीमण्डपमा आगामी भदौ ११ देखि १६ गतेसम्म नाडा अटो शो चल्ने भएको छ । बुधबार काठमाडौंमा पत्रकार सम्मेलन गरेर नाडा अटो मोबाइल्स एशोसिएशनले अटो शो चलाउनेबारे जानकारी दिएको हो ।

नाडा अटो शोले नेपालका अटोमोबाइल क्षेत्रका महत्त्वपूर्ण खेलाडीहरू र हजारौँ आगन्तुकहरूलाई प्रत्येक वर्ष आकर्षित गर्दै आएको छ । यो वर्षको प्रदर्शनीमा २४ चारपांग्रे बान्डहरू, १९ दुईपांग्रे ब्रान्ड र १२ हल्का व्यावसायिक सवारीसाधनका ब्रान्ड प्रदर्शन गर्ने योजना छ ।

साथै, ३३ कम्पनी जुन लुब्रिकेन्ट, टायर, ब्याट्री, ग्यारेज उपकरण र अन्य अटो कम्पोनेन्टहरूमा विशेषज्ञ छन् र सात वित्तीय संस्थाहरू विशेष रूपले अनुकूल वित्तीय समाधानहरू प्रदान गर्नेछन् । शोमा ९५ प्रदर्शक सहभागी हुनेछन् । जसले १३० स्टलमा आफ्ना उत्पादन र सेवा प्रदर्शन गर्नेछन् ।

प्रकाशित मिति: बुधबार, साउन ३०, २०८१ १६:०३