बानेश्वरको एभरेष्ट होटलले भन्यो–बिक्रिको कुनै योजना छैन

अर्थ

गृहपृष्ठ
अर्थ

बानेश्वरको एभरेष्ट होटलले भन्यो–बिक्रिको कुनै योजना छैन

नेपालकभर बुधबार, भदौ २६, २०८१

काठमाडौं । काठमाडौंस्थित नयाँ बानेश्वरमा दि एभरेष्ट होटल बिक्रीको कुनै योजना नरहेको भन्दै वक्तव्य जारी भएको छ । होटल व्यवस्थापनले बुधबार ब्रोडसिड अखबारमा विज्ञप्ति प्रकाशित गरी होटल बिक्रीमा नरहेको र एभरेष्टसहितका तारे होटल बिक्रीमा रहेको भन्दै विभिन्न अनलाइन पोर्टलमा आएका समाचारमा सत्यता नरहेको प्रतिक्रिया दिएको हो ।

सञ्चारमाध्यममा होटल विक्रिबारेका समाचार तथ्यसहित प्रकाशित भएपनि एभरेष्टले भने होटल बिक्रीमा रहेको समाचार निराधार, काल्पनिक र भ्रामक भएको जिकिर गरेको छ ।

होटल बिक्रीमा रहेको समाचारप्रति होटल व्यवस्थापनको गम्भीर ध्यानाकर्षण भएको विज्ञप्तिमा जनाइएको छ । नयाँ बानेश्वरमा विगत ४६ वर्षदेखि सञ्चालन हुँदै आएको दि एभरेष्ट होटलले ठूलो संख्यामा विदेशी तथा स्वदेशी पर्यटक÷ग्राहकलाई गुणस्तरीय सेवा दिँदै आएको समेत उसले विज्ञप्तिमार्फत जनाएको छ ।

पर्यटकलाई प्रदान गरिने सेवासँगै भित्रिने अर्थतन्त्र, रोजगारी र नेपाल सरकारलाई बुझाइने राजस्वमा पनि होटलले योगदान गरेको विज्ञप्तिमा उल्लेख छ । उद्यपि, सरकारी रेकर्डमा एभरेष्ट होटल बन्द छ । नवीकरणविना होटल सञ्चालन छ भने ‘तारे’को ताज पनि खोसिएको अवस्था छ ।