आर्थिक वर्षको पहिलो महिनामामै भित्रियो १ खर्ब ३६ अर्ब रेमिट्यान्स

अर्थ

गृहपृष्ठ
अर्थ

आर्थिक वर्षको पहिलो महिनामामै भित्रियो १ खर्ब ३६ अर्ब रेमिट्यान्स

नेपालकभर बिहीबार, असोज १०, २०८१

काठमाडौँ । यो आर्थिक वर्षको पहिलो महिनामा रेमिट्यान्स १ खर्ब ३६ अर्ब रुपैयाँ पुगेको छ । साउनमा विप्रेषण आप्रवाह अर्थात् रेमिट्यान्स १८ प्रतिशतले वृद्धि भई १ खर्ब ३६ अर्ब ९३ करोड रुपैयाँ पुगेको हो ।

अघिल्लो वर्षको सोही अवधिमा विप्रेषण आप्रवाह २२.८ प्रतिशतले बढेको थियो । अमेरिकी डलरमा विप्रेषण आप्रवाह १ अर्ब २ करोड पुगेको छ । अघिल्लो वर्ष यस्तो आप्रवाह ८७ करोड ९८ लाख रहेको थियो ।

समीक्षा अवधिमा वैदेशिक रोजगारीका लागि अन्तिम श्रम स्वीकृति (संस्थागत तथा व्यक्तिगत-नयाँ) लिने नेपालीको संख्या ३६ हजार ९२८ र पुनः श्रम स्वीकृति लिनेको संख्या २२ हजार ६४७ रहेको छ । अघिल्लो वर्षको सोही अवधिमा यस्तो संख्या क्रमशः ३९ हजार १५२ र १६ हजार ४२३ रहेको थियो ।

प्रकाशित मिति: बिहीबार, असोज १०, २०८१ २१:२९