२६ सय विन्दुमाथि नेप्से, बढ्यो कारोबार

अर्थ

गृहपृष्ठ
अर्थ

बढ्यो कारोबार २६ सय विन्दुमाथि नेप्से, बढ्यो कारोबार

नेपालकभर मंगलबार, कात्तिक १३, २०८१

काठमाडौं । शेयर बजार मापक नेप्से परिसूचक ४६.६९ अंक बढेर बन्द भएको छ । साताको तेस्रो कारोबार दिन मंगलबार नेप्से १.७६ प्रतिशत बढेर २६९२.०५ विन्दुमा बन्द भएको हो ।

यस दिन कारोबार रकम पनि वृद्धि भएको नेपाल स्टक एक्सचेन्ज (नेप्से)ले जनाएको छ । ६ अर्ब १२ करोड ८२ लाख रुपैयाँको शेयर कारोबार भएको छ ।

सोमबार पाँच अर्ब ३४ करोड ४८ लाख रुपैयाँको शेयर कारोबार भएको थियो । कारोबारमा आएका १३ वटै समूहगत परिसूचक वृद्धि भएको छ । यसदिन परिसूचक सर्वाधिक वृद्धि निर्जीवन बिमा समूहको भएको छ । यो समूहको परिसूचक ३।६० प्रतिशतले वृद्धि भएको छ ।

मंगलबार २२१ कम्पनीको शेयर मूल्य वृद्धि भएको छ भने १७ कम्पनीको सेयर मूल्य घटेको छ । पाँच कम्पनीको शेयर मूल्य भने स्थिर छ । सप्तकोसी डेभलपमेन्ट बैंक, सानिमा जीआईसी इन्स्योरेन्स र कुथेली बुखरी स्मल हाइड्रोपावर कम्पनीको शेयर मूल्य १० प्रतिशतले वृद्धि भएको नेप्सेले जनाएको छ ।

प्रकाशित मिति: मंगलबार, कात्तिक १३, २०८१ १६:४९